Kolosi 4:18 - Aria New Testament

¹⁸ Ngong Pol ngasogo pas ane e ngawai “oklou itau” ke umu. Aitno lumu mter ke elio ka ngadong ke kalabus ane. Ngawaiki Ida Tapolngon ila makaingan dong kap umu.

Kolosi 4:18 ပူးပေါင်းရင်းမြစ်များ

Pas ka Pol sogoe uti la ke osep Rom ina 16:20

Deka Ida Tapolngon ka due aitno lite tidong epen ma paiavu Satan ma ila arit yagos. Ma iye karanga due elio soulu ke umu kovok. Ma umomole iye vala. E ngawai ke Ida Tapolngon ma Ida Puda Yesus Krais ila makaingan dong ke umu.

Pas ka Pol sogoe uti la ke osep Rom ina 16:22

Ngong Tertius e ngasogo Pol ila pas ane. Iye wai ke ngong deka ngasogo ila pelengon. Ke Ida Puda angaine ngawai “oklou itau” ke umu blang.

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

1 Korin 16:21

Ngong Pol ngasogo pele-ngon ane ke lungu. Ngawai “oklou itau” ke umu.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

2 Tesalonaika 3:17

Ngong Pol ngasogo angain ngong ke pas ane e ngawai “oklou itau” ke umu. Ngasogo langane ke pas ka pula keniye ka ngasogoe. Iye langka nisngen ke pas ka ngasogoe.

1 Timoti 6:21

Osep ka tididi ilengen langane tisongon aitno lisak ila dagar kodong. Deka ngawai langane. Ma Ida Tapolngon ila makaingan dong kap umu.

2 Timoti 1:8

Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

2 Timoti 4:22

Ngawaiki ma Ida Puda dong kap anwom e ngawaiki ila makai-ngan dong kap wom.

Taitus 3:15

Osep ka pula keniye ka tidong kap ngong tiwai “oklou itau” ke wom. E ngawaiki wom Taitus amwai “oklou itau” ke osep ka aitno lisak dagar ke Yesus e aitno lisak itau ke imi blang. Ida Tapolngon ila makaingan dong kap umu ka pula keniye.

Hibru 13:25

Sipmi. Ngawaiki Ida Tapolngon ila makaingan dong kap umu ka pula keniye.

Hibru 13:3

Omtomu sisir osep ka tidong ke kalabus e aitno lumu mter langka umodong ke kalabus kap isak. E omtomu sisir osep ka agegeng polou ke isak langka agegeng polou ke umu blang.