Kolosi 4:12 - Aria New Testament

¹² Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Kolosi 4:12 ပူးပေါင်းရင်းမြစ်များ

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Luk 1:1

Osep pula tinogrum ma tisogo basikngen ke elio omba ka polou airavu ke imi.

Luk 22:44

E Yesus aitno kro lokono e iye arit iye ma iye wai itau ke Ida Tapolngon e iye ulep e ina ulepngen gene ke taklak langka marau.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Pas ka Pol sogoe uti la ke osep Rom ina 15:14

Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

Pas ka Pol sogoe uti la ke osep Rom ina 15:30

Sipmi. Ngapmi umu ma umawai itau ke Ida Tapolngon ma iye lua ngong ke lou mosongon. Ngapmi umu ine kesua batne ke Ida Puda Yesus Krais dong. Ngapmi umu ine kesua ite lana ite pulu batne Ano Itau lua ite ine.

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

1 Korin 2:6

Lokono. Osep ka tipolou dagar lokono ke Ida Tapolngon ila pelengon tile ilengen ke pelengon ka imanapapra ine. Ilengen ka tidue ka imanapapra ke isak ine ane langka ilengen ka taklak ane ina kovok. E ilengen ane gesa langka ilengen ka osep ka tivri mgo ke ite ke taklak urok ilengen kovok. Osep tonari ma timete deka isak yagos.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

Kolosi 1:22

Deka Krais mete e mana ke ina akai kodong. Ke elio langane Ida Tapolngon due umu umodong aitno lumu epen pulu kap iye. Iye due langane ma lumu elio soulu gesa vri ke umu kovok e umodong itau lokono ke bitna.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

Kolosi 1:7

Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 4:9

E Onesimus la kap iye. Iye supmu gesa e dong dagar ke ila bokongon e imi lana imi ke iye. Isak orwo ma tipalongo lumu ke wan ka pula keniye ka tipolou ke imi.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

Filemon 1:23

Ngong imorwo Epafras imodong ke kalabus ane kesua imodue Krais ila bokongon. E Epafras wai “oklou itau” ke wom.

Hibru 5:14

E osep ka tikaranga tingen ngangon dagar isak ngongle. E tididi Ida Tapolngon ila pelengon e tikaranga tiwade elio itau e elio soulu.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

Jems 1:4

E alo ka umodong dagar ke tokngon ma umopolou ngongle ke aitno lumu ila dagar. Deka umakaranga umodong itau ke elio ka pula keniye ka polou ke umu. E ma lumu wan bitna bitna ka karanga ke umu dong ke umu.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.