Kolosi 4:10 - Aria New Testament

¹⁰ Gute Aristarkus ka iye dong ke kalabus kap ngong wai “oklou itau” ke umu. E gute Mak ka iye Barnabas ila aidagu wai “oklou itau” ke umu blang. Oglou ngapagei pas uti ke umu ka wai langane. Langka Mak polou ke umu deka aitno lumu itau ke iye e umodue elio itau ke iye.

Kolosi 4:10 ပူးပေါင်းရင်းမြစ်များ

Aposel 12:12

Ari Pita ile omur elio ka polou ine kodong deka iye la polou ke Jon tna Maria ila ninu. Jon tonari angaine silang Mak. Alo ari osep pula ka aitno lisak dagar ke Yesus tiduni pulu ke ninu tonari e tiwai itau ke Ida Tapolngon.

Aposel 12:25

Ari Barnabas e Sol tidue urok bokongon ke Jerusalem yagos deka tidue Jon ka angaine silang Mak e tibauluk ke Antiok blang.

Aposel 13:13

Mase Pol kap osep ka tigosok iye tikli sip e tisongon Pafos e isak kla ke armok Perga ka dong ke omur Pamfilia. E ari Jon songon isak deka iye bauluk la ke Jerusalem.

Aposel 13:5

Tipolou ine deka tilila la lama tipolou ke armok Salamis. Ari tisep ke osep Yuda ina urok duningen ina ninu deka tinapapra Ida Tapolngon ila pelengon. E Jon blang lua isak ke urok bokongon.

Aposel 19:29

Tiwai dagar langane deka dau tauni kovok osep pula aitno lisak nevlik e tidaiku omba ine. E osep pula tikis dagar gute Gaius orwo gute Aristarkus ka isak kla kap Pol ke ila langan. Isak osep Masedonia ina. E osep pula tigosok osep ka tikis osep orwo kamsak kene tisuong tipolou ke omur ka osep Efesus ina tiduni pulu ine.

Aposel 20:4

Ari Pirus otno arang Sopater ka gute Beria ina la kap iye. E gute Aristarkus e gute Sekundus ka isak osep Tesalonaika ina tigosok iye. E gute Gaius ka gute Derbe ina gosok iye. E gute Timoti blang gosok iye. E gute Tikikus orwo gute Trofimus ka provins Esia ina tigosok Pol blang. E isak keniye kla.

Aposel 27:2

Deka imesep ke sip gesa ka armok Adramitium ina ka waiki la polou ke armok armok ka tidong ke provins Esia ina dingen batne e imosongon omur imala. Alo ari gute Aristarkus ka ila armok batne Tesalonaika ka dong ke provins Masedonia la kap imi.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Pas ka Pol sogoe uti la ke osep Rom ina 16:2

Ma alo ka iye polou ke umu ngawaiki umolua iye eriar langka Ida Tapolngon waiki ila osep tilua pulu. Elio ane itau lokono kesua iye Ida Puda ila apmang gesa. Oglou iye lua osep pula lokono deka iye lua ngong blang.

Pas ka Pol sogoe uti la ke osep Rom ina 16:7

Umawai “oklou itau” ke gute Andronikus orwo gute Junias. Isak lou osua e oglou tidong ke kalabus kap ngong. Isak orwo osep aposel blang e osep pula tile ke isak. E aitno lisak la dagar ke Krais mgo ke ngong.

2 Timoti 4:11

Gute Luk vala dau dong kap ngong. Omdue gute Mak deka umorwo umomo ke ngong kesua Mak boko itau e iye karanga lua ngong ke lou bokongon.

Filemon 1:23

Ngong imorwo Epafras imodong ke kalabus ane kesua imodue Krais ila bokongon. E Epafras wai “oklou itau” ke wom.

Filemon 1:24

E Mak e Aristarkus e Demas e Luk ka imogosok imoboko tiwai “oklou itau” ke wom blang.

1 Pita 5:13

Osep ke Ida Tapolngon ila sios ka dong ke armok Babilon tiwai “oklou itau” ke umu. Ida Tapolngon rere isak ila osep eriar langka iye rere umu ila osep. E silang blang gute Mak ka langka erigu wai “oklou itau” ke umu blang.