Kolosi 3:3 - Aria New Testament

³ Umemete kodong kap Krais e umeneklep ke iye. E umeile omur ke lumu mosongon itau keniye dau kovok e mase ma Ida Tapolngon due mosongon tonari polou malak.

Kolosi 3:3 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Jon 14:19

Isuk boto dau e osep ke taklak ma tivati ngong blang kovok. E ma umavati ngong. Ngadong ke mosongon e ke batne ane umu blang ma umodong ke mosongon.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 5:21

Eriar langka Livou due osep ka timete kodong tipoga titito ke inarak denga e kar mosongon oku ina ke isak ngong ka Otno Arang ngakar mosongon oku ina ke osep ka ngawaiki ngakar mosongon tonari ke isak.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 5:40

E dau umepli ngong e umawaiki aitno lumu la dagar ke ngong ma umodue mosongon ka dong vala dong kovok.”

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

Pas ka Pol sogoe uti la ke osep Rom ina 6:11

E Ida Tapolngon waiki aitno lumu mter umemete ma elio epmes ina plau umu blang kovok. E silang blang iye waiki ma umodue elio epmes ina bitna bitna aling kene blang kovok. Ida Tapolngon waiki aitno lumu mter umodong kap Yesus Krais e iye waiki umodue elio isuk isuk langka iye due.

Pas ka Pol sogoe uti la ke osep Rom ina 6:2

Aurou. Ma itodue elio epmes ina kovok. Kesua itemete kap Yesus kodong. E ma itodue elio epmes ina bitna bitna kovok kesua osep ka timete kodong tikaranga tidue elio epmes ina kovok.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

2 Korin 5:7

Eknikane itodong batne ke aitno lite ila dagar e batne ke wan ka itakaranga itavati kovok.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Filipai 4:7

Alo ka Ida Tapolngon due aitno lumu dong epen elio are wan ka itau lokono e itosep itakaranga iteile ine kovok. Ida Tapolngon due aitno lumu dong epen e elio ane plau aitno lumu.

Kolosi 1:5

Oglou alo ka pelengon lokono ka omon itau polou ke umu deka umoklingen ke wan ka itau lokono ka Ida Tapolngon rere ka dong para ke umu ke omur heven.

Kolosi 2:20

Umemete kap Krais kodong e ano ka tiplau taklak ane tiplau umu kovok. Deka ina lange umu dau umelila langka isak dau tiplau umu? Ina lange umedidi urok pelengon bitna bitna?

Kolosi 2:3

Krais ile ilengen itau keniye e elio itau keniye e iye karanga lua osep ma tile ine blang.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

1 Pita 3:4

E ngawaiki umodue elio langka umabares aitno lumu vala. Umodong molil molil e aitno lumu epen vala. Umodue elio langane deka Ida Tapolngon vati umu langka umabares ke baresngen ka itau ka dong vala dong.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”