Kolosi 3:25 - Aria New Testament

²⁵ E osep ka tidue elio soulu ma Ida Tapolngon koli batne ke isak. Ma iye didi ila elio itau ka kene vala deka wade osep ka pula keniye ine.

Kolosi 3:25 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Luk 20:21

E osep tonari tiwai langane. “Gute parerengen ina imeile amwai pelengon lokono e amparere osep ke pelengon lokono e amwai pelengon kene vala ke osep lama angainsak omba koke angainsak omba kovok. E amparere Ida Tapolngon ila elio ka didi pelengon lokono.

Aposel 10:34

Pita klingen Kornilius ila pelengon deka wai langane. “Eknik-ane ngaile omur Ida Tapolngon aitno la ke osep ka pula keniye. Iye pul dogur ke osep leklou kovok.

Pas ka Pol sogoe uti la ke osep Rom ina 2:11

Kesua ma Ida Tapolngon wade osep ka pula keniye eriar vala. Ma iye due elio silang ine kovok.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

Efesus 6:8

E umeile langane. Osep ka tidue urok bokongon itau ma Ida Puda lua isak itau ke ila kerengen. Kesua batne tiboko itau ke urok bokongon tonari. Ma iye due elio langane ke osep ka isak wokboi nating e ke osep ka tidong fri blang.

Efesus 6:9

Umu ka osep leklou inarak plaungan umodue elio itau ke osep ka tidue lumu bokongon eriar langka tidue elio itau ke umu. Umeiluk isak soulu sakam lama tilim ke umu. Kesua umu ka osep leklou inarak plaungan e umu ka umodue upu gute ila bokongon Upu Puda ka dong ke omur heven iye kene. E iye didi elio kene deka wade osep keniye urok elio ine.

Kolosi 4:1

Umu ka umaplau osep ka tidue lumu bokongon umodue elio ka itau e osuk ke isak. Kesua umeile omur Upu Puda dong ke omur heven blang.

1 Tesalonaika 4:6

Umu ma umodue elio soulu ke sudo ka Kristen ke elio tonari kovok. Oglou imawai dagar ke umu ke elio tonari langane. Ida Puda ma koli batne ke osep ka tidue elio soulu langare.

2 Tesalonaika 1:6

E Ida Tapolngon ma due elio osuk langane. Iye ma koli batne ke osep ka tidue agegeng ke umu.

Filemon 1:18

E langka iye due elio soulu gesa ke wom koke wan gesa ina klingen munu pes iye ma ngakoli batne.

Hibru 2:2

Oglou Ida Tapolngon kar pelengon kene ka karanga segesege kovok ke ila ensel e ila ensel tikare ke Moses deka Moses sogoe ma osep Israel ina tididie. E langka tididie kovok deka Ida Tapolngon ules isak ine.

1 Pita 1:17

Alo ka umawai itau ke Ida Tapolngon umesir iye Pmada. E Ida Tapolngon didi elio kene vala e wade ite kente kente udo elio isuk isuk ka itodue. Deka alo ka umu dau umodong ke taklak ane umodong langka osep kaulei e umodue anit ke Ida Tapolngon ke wan ka pula keniye ka umodue.

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.