Kolosi 3:24 - Aria New Testament

²⁴ Umodue lumu bokongon itau kesua umeile omur umodue Upu Puda Krais ila bokongon. Deka ma iye kar kerengen ke umu ka iye wai ine kodong.

Kolosi 3:24 ပူးပေါင်းရင်းမြစ်များ

Efesus 6:8

E umeile langane. Osep ka tidue urok bokongon itau ma Ida Puda lua isak itau ke ila kerengen. Kesua batne tiboko itau ke urok bokongon tonari. Ma iye due elio langane ke osep ka isak wokboi nating e ke osep ka tidong fri blang.

Luk 14:14

E ma aitno lugom itau itau ine. Kesua lama tikaranga tikoli batne ke wom kovok mase alo ka Ida Tapolngon due osep ka tidong itau e osuk ke bitna titito tidong blang ma iye koli batne ke wom.”

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

1 Korin 7:22

E gute ka dong wokboi nating alo ka Ida Puda rere iye ila gute io ke Ida Puda bitna iye dong langka iye fri. E gute ka dong fri alo ka Ida Puda rere iye ila gute iye polou langka Ida Puda ila wokboi nating.

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Hibru 11:6

E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 10:35

E eknikane aitno lumu dong dagar langka oglou iye dong dagar. E ma Ida Tapolngon kar ila kerengen ka itau lokono ke umu.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Matyu 5:46

Langka umu lana umu ke osep ka isak lana isak ke umu vala ina lange ma umodue wan ka itau ke Ida Tapolngon? Osep ka tidue takis ke osep tidue langane blang.

Matyu 5:12

Aitno lumu neser e aitno lumu itau ine kesua ma umodue wan ka itau ke omur heven. Kesua oglou osep tidue elio soulu langane blang ke osep napaprangan ina ka tidong mgo ke umu.”

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

1 Korin 3:8

Gute ka usak wan e gute ka baser aki duru ine isak eriar e isak orwo Ida Tapolngon ila osep bokongon ina. E isak kensak kensak ma tidue urok klingen karanga ke urok bokongon.

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:5

“E alo ka umawai itau ke Ida Tapolngon umodue langka osep ka aitno lisak orwo tidue kovok. Tiwaiki tivri e tiwai itau ke duningen ina ninu e ke ekreng omba galna ma osep tipalem isak. Ngawai lokono ke umu. Tidue urok klingen ine kodong.

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Matyu 10:41

Langka gute gesa due gute napaprangan ina sep ke ila ninu kesua iye gute napaprangan ina vala ma iye due wan itau lokono ka gute napaprangan ina ma due. E langka gute gesa due gute itau sep ke ila ninu kesua iye gute itau vala ma iye due wan itau lokono ka gute itau ma due.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

1 Korin 11:23

Pelengon ka ngakare ke umu ngadue ke Ida Puda vala. Pelengon langane. Ke epmes ka Judas lai Ida Puda ina ine Yesus due bret.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.