Kolosi 3:23 - Aria New Testament

²³ Deka umoboko nangurasau ke lumu bokongon keniye langka umoboko ke Upu Puda ila bokongon e langka umoboko ke osep urok bokongon vala kovok.

Kolosi 3:23 ပူးပေါင်းရင်းမြစ်များ

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Pas ka Pol sogoe uti la ke osep Rom ina 14:6

Gute ka aitno mter oklou kene mole oklou silang due elio langane kesua iye waiki kakai Ida Puda angaine ine. E gute ka ngen wan ka pula keniye aitno la ke Ida Puda deka iye ngene. Kesua iye wai tenkyu ke Ida Tapolngon deka ngene. E gute ka ngen wan ka pula keniye kovok aitno la ke Ida Puda blang deka iye dangdang iye ke ngangon leklou. E iye wai tenkyu ke Ida Tapolngon blang.

Efesus 5:22

E umu apmang ka pasinga umodue anit ke lumu soboget e umedidi urok pelengon eriar langka umedidi Upu Puda ila pelengon.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 2:13

Umeini osep gavman ina ka tiplau umu kesua elio ane didi Ida Puda aitno. Umeini gute ka vri mgo ke umu kesua iye plau osep ka tidong ke omur ka iye vri mgo ine.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.