Kolosi 3:20 - Aria New Testament

²⁰ E umu agau aling aling umeini sipmomu e titnomu urok pelengon. Alo ka umodue elio langane Ida Puda aitno itau ine.

Kolosi 3:20 ပူးပေါင်းရင်းမြစ်များ

Matyu 19:19

Omdue anit ke abo e aiya. Wom lana wom ke lem osua eriar langka wom lana wom ke wom tona.”

Efesus 5:24

Deka umu apmang ka pasinga umedidi lumu soboget urok pelengon eriar langka Yesus ila osep tididi Krais ila pelengon.

Filipai 4:18

Deka langane. Gute Epafroditus kar ngong wan ka pula keniye ka umapagei ke ngong kodong. E wan tonari mole wan ka karanga ke ngong. Wan ka umapagei ke ngong iye langka wan ka osep tidue elio opmu ina ine deka ina amnangan itau tito la ke Ida Tapolngon e aitno itau lokono ine.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 3:22

Umu ka wokboi nating umeini upu puda urok pelengon keniye. Umoboko itau alo ka tikaranga tivati umu vala ma aitno lisak itau ke lumu bokongon kovok. Aurou. Umoboko itau lama tikaranga tivati umu koke tikaranga tivati umu kovok. Aitno lumu kene ke urok pelengon e umeinie itau. E ke elio langane umodue anit ke Ida Puda.

Taitus 2:9

Amwai ke osep ka isak wok-boi nating langane. Tididi osep ka tiplau isak urok pelengon e aling aling tiboko itau ke wan bitna bitna keniye ma inarak gute aitno itau ke urok bokongon. Langka gute tonari wai deka tituk ila pelengon kovok.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.