Kolosi 3:16 - Aria New Testament

¹⁶ Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Kolosi 3:16 ပူးပေါင်းရင်းမြစ်များ

Matyu 26:30

E tidue sakul deka tisongon ninu e isak kla ke gigri Oliv.

Luk 2:51

Deka iye la kap isak e tiduru tipolou ke Nasaret e iye meit ke isak. E tna bitna sisir wan keniye tonari e aitno mter ine.

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Pas ka Pol sogoe uti la ke osep Rom ina 10:17

Osep ka aitno lisak la dagar ke Ida Tapolngon ila pelengon ka la ke Krais tiklingen ine mgo. Tiklingen ine e aitno lisak la dagar ine.

Pas ka Pol sogoe uti la ke osep Rom ina 15:14

Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

1 Korin 14:15

Deka ma ngadue sua? Ma ngawai itau ke anngong e ngawai itau ke aitno lungong blang. E ma ngadue sakul ke anngong e ngadue sakul ke aitno lungong blang.

1 Korin 14:26

Sipmi. Alo ka umoduni pulu ke duningen ma umodue sua? Ma umodue elio bitna bitna ka itau ka tilua umu vala. Gute kene due sakul e gute silang wai pelengon ka parere osep leklou e gute silang wai pelengon ka Ida Tapolngon nis iye ine ma iye napapra ine. E gute silang wai tokples gesa ka osep tile ine kovok e gute silang bauluk tokples tonari. Deka wan ka umodue ma due Yesus ila osep aitno lisak tidong dagar.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Efesus 5:19

Alo ka umu ka Yesus ila osep umoduni pulu umodue sakul ka didi Ida Tapolngon ila pelengon ka dong ke Buk Song. Umodue sakul ka kakai Ida Tapolngon angaine tito la egim. Umodue sakul ka la ke Ida Tapolngon ka due aitno lumu dagar ine. Umodue sakul ke aitno lumu e umakakai Ida Puda angaine tito la egim ine.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 4:6

Alo ka umawai kap osep aling aling umawai ke pelengon ka itau vala ma aitno lisak itau ine. Alo ka umokoli osep urok pmingen umokoli ke pelengon lokono vala.

1 Tesalonaika 1:8

Ida Puda ila pelengon ka umawai ine la ke osep pula e tiklingen ine. Pelengon tonari la ke provins Masedonia e provins Akaia vala kovok. Aurou. Osep pula tiklingen basikngen ka aitno lumu la dagar ke Ida Tapolngon. E imawai ke isak ine kovok kesua tiklingen ke umu kodong.

1 Tesalonaika 4:18

Deka ngawai langane. Sipmi. Umawai pulu ke pelengon ane ma due aitno lumu dong dagar ine e aitno lumu kro kovok.

2 Tesalonaika 3:15

E dau imawaiki aitno lumu mter langka gute tonari upu oul kovok. Aitno lumu mter iye langka sudo gesa. E umakar iye pelengon ka lua iye e mosi aitno.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

2 Timoti 3:15

E alo ka wom dau agau osep tiparere wom ke Ida Tapolngon ila pelengon ka oglou osep napaprangan ina tisogoe. Pelengon tonari parere wom ke elio ka Ida Tapolngon ma lua wom ke lem elio epmes ina. Ida Tapolngon lua wom alo ka aitno lugom la dagar ke Krais Yesus.

Taitus 3:6

Ida Tapolngon tuktuk Ano Itau karanga ke ite kente kente kesua batne ke Ida Luangan Yesus Krais.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

Jems 5:13

Langka elio polou ka opru gute gesa ma iye wai itau ke Ida Tapolngon ma lua iye ine. Langka gute gesa aitno neser ma iye due sakul ka kakai Ida Tapolngon angaine tito la egim.

1 Jon 2:14

Ngasogo pelengon ke umu ngongle kesua umeile kodong ke gute ka dong oglou oglou ari lila me ke eknikane. E ngasogo pelengon ke umu auram aitno e umu pasinga arang oku kesua lumu arit dong e Ida Tapolngon ila pelengon dong ke aitno lumu e umomole Satan kodong.

1 Jon 2:24

Umekis dagar ke pelengon ka oglou umoklingen ine. Langka umodue langane ma umodong kap Pmada e Otno Arang blang.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

2 Jon 1:2

Itodue elio langane kesua pelengon lokono dong ke aitno lite e ma dong vala dong.

Pelengon kukwopngon 14:3

Osep tonari tivri ke Ida Tapolngon ila kova bitna e ke wan apanal ka tidong langka ansak dong lisak amtarsak e ke osep namormor isorwo apanal amtarsak blang deka tidue sakul oku ina. Osep ka inarak sasa 144,000 isak osep ka Ida Tapolngon kli urok elio epmes ina alo ka tidong ke taklak. E isak vala tikaranga tidue sakul oku tonari.

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”

Pelengon kukwopngon 5:9

E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.