Kolosi 3:11 - Aria New Testament

¹¹ Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.

Kolosi 3:11 ပူးပေါင်းရင်းမြစ်များ

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:5

“Ngong galou wain palma e umu galou wain tetna. Gute ka dong dagar ke ngong e ngadong ke iye io iye due elio itau langka iye usu otna pula. E langka umosongon ngong deka umakaranga umodue elio itau kovok.

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Aposel 15:17

E osep ka pula keniye leklou ma tikrim ke Ida Puda. E osep ka isak osep Yuda ina kovok ka ngarere isak lou osep kodong ma tikrim ke ngong blang.

Aposel 28:2

Alo ari osep matamur tidue mada ke imi e tikere imi itau lokono. E tires eiou ma imamarang ine kesua aragu duru e tarna limi blesim.

Aposel 28:4

Osep matamur tivati mota mana ke Pol limla e tiwai pulu langane. “Ai gute ane iye gute burwa ina gesa. Lama eknikane iye mole misuon ila elio dau vri ke iye e ngen iye.”

Pas ka Pol sogoe uti la ke osep Rom ina 1:14

Eknikane lou bokongon ka nganapapra Yesus ina basikngen ke osep epmes ina ka pula keniye dau dong e aitno lungong kro ine. Aitno lungong kro ke osep ka tidong ke armok armok e urok brokngon pula dong e osep ka isak omong aitno ina. Aitno lungong kro ke osep ka tile omur ke sogongon kodong e osep ka tile omur ke sogongon kovok.

Pas ka Pol sogoe uti la ke osep Rom ina 10:12

Pelengon ane la ke osep Yuda ina e ke osep ka isak osep Yuda ina kovok blang. Kesua osep keniye tonari Inarak Puda kene ka kere osep keniye itau ka tiwai itau ke iye.

Pas ka Pol sogoe uti la ke osep Rom ina 3:22

Eknikane elio kene vala dong ka Ida Tapolngon didie e due osep tipolou itau e osuk ke bitna. Iye due osep ka pula keniye ka aitno lisak la dagar ke Yesus Krais tipolou itau e osuk ke bitna. Iye due ila elio kene langane ke osep ka pula keniye.

Pas ka Pol sogoe uti la ke osep Rom ina 3:29

Aitno lumu lange? Ida Tapolngon iye osep Yuda ina vala Inarak Tapolngon? E osep ka isak osep Yuda ina kovok iye Inarak Tapolngon kovok? Aurou. Ida Tapolngon iye osep ka pula keniye Inarak Tapolngon.

1 Korin 12:13

Kesua Ano Itau ka kene vala sep ke ite kente kente aitno lite e due ite iteneklep ke Krais deka itopolou langka pampamu ine ka kene vala. Ite ka osep Yuda ina e osep Grik ina e ite ka wokboi nating e ite ka itodong fri. Ida Tapolngon due Ano Itau ka kene vala sep ke ite kente kente aitno lite deka iye dong ine.

1 Korin 14:11

E langka ngaile gute gesa ila tokples kovok ma aitno mter lou omur batne omur silang. Deka ngong blang aitno lungong mter langka gute tonari ila omur batne omur silang blang.

1 Korin 7:19

Elio ka gute didi elio ulangngan ina langka wan adai. E elio ka gute didi elio ulangngan ina kovok elio langane wan adai blang. E elio ka osep tididi Ida Tapolngon ila pelengon dagar ane wan ombatno lokono.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 1:23

E ite ka Yesus ila osep itodong eriar langka Krais pampamu ine. E eriar langka Krais dong ke omur ka pula keniye iye dong kap ite ka Yesus ila osep blang.

Efesus 2:14

Oglou imi osep Yuda ina e umu ka osep Yuda ina kovok aitno lite soulu pulu. Deka elio ka aitno lite soulu pulu langka dangdang ite pulu. E Krais lua ite keniye ke pampamu ine deka aitno lite epen pulu batne ke iye. Krais ina marau e ina metengen dar parangan ka oglou dong airavu ke ite deka due aitno lite epen pulu.

Efesus 2:15

Krais due Moses ila sogongon ka oglou plau imi osep Yuda ina ma pelengon dagar tonari plau imi kovok. Deka pelengon dagar tonari e sogongon bitna bitna ka oglou imawaiki tiplau imi tiplau imi kovok. Krais Yesus due osua ka osep Yuda ina e osua ka osep ka isak osep Yuda ina kovok tineklep ke iye. Deka tipolou osua oku ina ka kene deka osua kene vala dong. Iye due langane deka osep tonari aitno lisak epen pulu.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Efesus 6:8

E umeile langane. Osep ka tidue urok bokongon itau ma Ida Puda lua isak itau ke ila kerengen. Kesua batne tiboko itau ke urok bokongon tonari. Ma iye due elio langane ke osep ka isak wokboi nating e ke osep ka tidong fri blang.

Kolosi 2:10

Umeneklep ke Krais deka umodue mosongon ka lokono lokono batne ke iye. Ila arit ombatno e iye mole e plau ano ka pula keniye ka tiplau wan bitna bitna.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.