Kolosi 3:10 - Aria New Testament

¹⁰ E umodue lumu mosongon oku ina kodong. Ida Tapolngon due lumu mosongon tonari polou oku aling aling e aling aling lua umu ma umeile omur ke ila elio keniye. Iye waiki lumu elio isuk isuk polou langka iye tona ila elio.

Kolosi 3:10 ပူးပေါင်းရင်းမြစ်များ

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 13:12

Isuk boto ma epmes yagos e isuk boto ma oklou tito. Deka wan ka itau ma itosongon udo elio soulu bitna bitna e ma itedidi elio itau vala. E ma elio itau dangdang elio soulu ma elio soulu mole ite kovok.

Pas ka Pol sogoe uti la ke osep Rom ina 13:14

Eknikane iteneklep ke Ida Puda Yesus Krais e itakana ila elio. E aitno lumu mter ke elio soulu ka pampamu lumu waiki due kovok.

Pas ka Pol sogoe uti la ke osep Rom ina 6:4

Elio paunimngen ina nisngen eriar langka itogosok Yesus itemete deka osep tiyas ite itesep ke ina denga e itomunu ine. Itomunu ine deka Ida Tapolngon didi ila arit e due ite itogosok Yesus itopoga itetito ke ida denga. Iye due ite itopoga itetito ke ida denga kesua iye waiki ma itedidi elio oku ina vala.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

2 Korin 3:18

E wan gesa kading ite keniye amtada kovok deka Ida Puda ila bublongon polou ke ite e itopolou langka glas ka osep tikaranga tivati Ida Puda ine. Deka aling aling itolumus itopolou nisngen ke Ida Puda. E Ida Puda iye Ano Itau.

2 Korin 4:16

Aitno limi mter ke wan tonari deka imodong dagar ke limem bokongon. Lokono. Pam-pamu limi polou nopos e sasi e dau aitno limi polou oku ke oklou kene kene.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

Galesia 3:27

Umu ka pula keniye umodue elio paunimngen ina kesua umeneklep ke Krais kodong. E umopolou itau langka Krais polou itau.

Galesia 6:15

Elio ulangngan ina iye wan adai e elio ka gute gesa ulang merge kovok iye blang wan adai. Ida Tapolngon due ite itopolou oku ina e elio ane iye wan omba lokono.

Efesus 2:10

Ida Tapolngon due ite itopolou itau e due ite iteneklep ke Krais Yesus. Iye due langane kesua iye waiki ma itodue elio isuk isuk ka itau vala. Oglou iye rere elio ka itau vala ka iye waiki itodue.

Efesus 2:15

Krais due Moses ila sogongon ka oglou plau imi osep Yuda ina ma pelengon dagar tonari plau imi kovok. Deka pelengon dagar tonari e sogongon bitna bitna ka oglou imawaiki tiplau imi tiplau imi kovok. Krais Yesus due osua ka osep Yuda ina e osua ka osep ka isak osep Yuda ina kovok tineklep ke iye. Deka tipolou osua oku ina ka kene deka osua kene vala dong. Iye due langane deka osep tonari aitno lisak epen pulu.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

Kolosi 3:14

E wan ka ombatno langane. Umu lana umu pulu. Kesua elio ka umu lana umu pulu iye langka pou umu pulu deka umodong kene vala langka Ida Tapolngon waiki umodong.

Filemon 1:6

Aitno lite ila dagar eriar e itogosok iteneklep ke Krais. E ngawai itau ke Ida Tapolngon ma iteile omur ke kerengen ka pula keniye ka itodue ke Krais.

Hibru 6:6

Langka tipul dogur ke iye deka tikaranga tibauluk aitno lisak kovok kesua ane langka tinilim Ida Tapolngon Otno Arang mana ke ina akai ke osep pula amtarsak blang.

1 Jon 2:3

Langka iteini Ida Tapolngon ila pelengon dagar ka iye kare ke ite deka ma iteile omur langane. Iteile iye.

1 Jon 2:5

E langka gute ini ila pelengon deka elio ka iye lana iye ke Ida Tapolngon polou lokono lokono kodong. Langka itodue elio langane deka iteile omur itodong kap iye.

Pelengon kukwopngon 21:5

Deka ngaklingen gute ka dong ke ila kova wai langane. “Umoklingen. Ngadue wan bitna bitna keniye tipolou oku ina.” Deka iye wai blang langane. “Omsogo pelengon ane kesua pelengon ane lokono lokono e osep aitno lisak karanga la dagar ine.”