Kolosi 3:1 - Aria New Testament

¹ Ida Tapolngon due umu umopoga umetito kap Krais kodong e Krais dong ke Ida Tapolngon limla odung. E aling aling umoboko dagar ma umodue wan ka omur heven ina.

Kolosi 3:1 ပူးပေါင်းရင်းမြစ်များ

Matyu 22:44

‘Ida Puda wai ke Ngau Puda langane. “Omdong ke lungu odung la lama ngadue ngap oul tidong moli ke kevep.”’

Matyu 26:64

E Yesus koli wai langane. “Wom tona amwai ine e dau ngawai ke umu langane. Mase ma umavati Gute Ka Polou Langka Osep dong ke Ida Tapolngon ka ila arit ombatno limla odung. E ma umavati iye me ke taklak ke gaup ke sirva.”

Matyu 6:20

E umokum lumu wan itau lokono ke omur heven. Kesua ke omur tonari kokros e ros tikaranga tidue agegeng ke wan kovok e osep panakongon ina tikaranga tisep e tipanako wan kovok.

Matyu 6:33

E wan ane mgo ke wan ka pula keniye. Umosongon Ida Tapolngon vri mgo ke umu e umodue elio ka itau e osuk ke bitna. E ma iye kar wan bitna bitna tonari ke umu blang.

Mak 12:36

Ida Tapolngon Ano Itau due Devit aitno deka Devit tona sogo langane. ‘Ngau Tapolngon wai ke Ngau Puda langane. “Om-dong ke lungu odung. La lama ngamole ngap oul keniye deka kevep munu ke isak ma tini wom.”’”

Mak 14:62

Deka Yesus koli wai langane. “Iye ngong tona aneo. Mase ma umavati ngong ka Gute Ka Polou Langka Osep ngadong ke Ida Tapolngon limla odung. Ma umavati ngong ngame ke gaup ka mana ke sirva.”

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Luk 12:33

Umodue burong ke lumu brokngon e umakar mani ke osep ka urok wan isuk boto vala. Deka ma umodue lumu wan itau lokono ka dong ke omur heven e polou yagos kovok. E ke omur heven gute panakongon ina me kovok e kokros ngen wan kovok.

Luk 20:42

Kesua Devit sogo ke Buk Song langane. ‘Ida Puda wai ke Ngau Puda langane. “Omdong ke lungu odung.

Luk 22:69

E nogrum ke oku ane e la ine Gute Ka Polou Langka Osep ma dong ke Ida Tapolngon ka ila arit ombatno limla odung.”

Aposel 2:34

“Devit wai langane. ‘Ngau Tapolngon wai ke Ngau Puda langane. Om-dong ke lungu odung la lama ngamole ngap oul keniye deka isak yagos.’” “Devit ila pelengon ane la ke iye tona kovok. Aurou. Alo ka iye mete pampamu ine la munu ke ina denga deka polou okus. Devit pampamu ine tito la ke omur heven e dong ke Ida Tapolngon limla odung kovok. Aurou. Pampamu ine la munu ke ina denga deka polou okus.

Aposel 7:55

E Ano Itau due Stiven aitno deka bitna tito nekek ke omur ka egim deka iye vati Ida Tapolngon ila bublongon e Yesus vri ke Ida Tapolngon limla odung.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

2 Korin 4:18

Aitno lite mter ke wan ka amtada karanga vati ke taklak ane kovok. Aurou. Aitno lite mter ke wan ka omur heven ina ka amtada karanga vati kovok. Kesua wan ka itakaranga itavati isak wan ka tidong sasi boto vala e wan ka itakaranga itavati kovok isak wan ka tidong vala tidong.

Efesus 4:10

E langane. Gute ka duru dong ke taklak iye tona gute ka mase bauluk tito ke omur ka dong egim. Deka iye dong ke omur ka pula keniye ka tidong ke taklak e ka tidong egim.

Efesus 5:22

E umu apmang ka pasinga umodue anit ke lumu soboget e umedidi urok pelengon eriar langka umedidi Upu Puda ila pelengon.

Kolosi 2:20

Umemete kap Krais kodong e ano ka tiplau taklak ane tiplau umu kovok. Deka ina lange umu dau umelila langka isak dau tiplau umu? Ina lange umedidi urok pelengon bitna bitna?

Kolosi 3:2

Aitno lumu mter ke wan ka omur heven ina e mter ke wan ka taklak ane ina kovok.

Hibru 1:13

Oglou Ida Tapolngon wai ke Otno Arang langane. “Omdong ke lungu odung la lama ngadue ngap oul keniye tidong moli ke kevep.” Ida Tapolngon wai langane ke Otno Arang vala e iye wai ke ila ensel gesa langane kovok.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 10:12

E udo gute loulou ina ka Krais me deka mete aling kene vala e klok udo elio epmes ina dong vala dong. Iye mete deka bauluk tito ke omur heven e dong ke Ida Tapolngon limla odung.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 8:1

Pelengon ane ka imawai ke umu ine lana ine langane. Udo gute loulou ina ka mgo dong ke Ida Tapolngon ka iye omba lokono ila kova ke limla odung.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.