Kolosi 2:9 - Aria New Testament

⁹ Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

Kolosi 2:9 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Luk 14:22

Gute bokongon ina didi ila pelengon kodong deka wai ke iye langane. ‘Ngau puda ngadue wan ka amwai ine e dau ninu bon kovok.’

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 10:30

Ngong e Livou imi eriar vala.”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 2:21

E ninu ka Yesus wai ine iye pampamu ine.

Aposel 17:29

Eknikane itosep Ida Tapolngon titno ite. E aitno lite karanga mter iye sapingen gesa ka osep tidue wan langka gol e silva e opmu deka tisapi iye ine kovok. Aurou.

2 Korin 5:19

Ane langka ke Krais Ida Tapolngon due osep ka pula keniye aitno lisak kene kap iye e urok elio soulu vri ke isak kovok. E iye kar bokongon ke ite ka itanapapra omon itau ma itodue osep aitno lisak tipolou kene kap iye.

Kolosi 1:19

Ida Tapolngon didi aitno deka due ila elio bitna bitna keniye dong ke Otno Arang. Deka Ida Tapolngon ila elio keniye bon ke iye.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:7

Ano Itau ka iye pelengon lokono batne palongo udo elio ane lokono.