Kolosi 2:7 - Aria New Testament

⁷ Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

Kolosi 2:7 ပူးပေါင်းရင်းမြစ်များ

Luk 6:48

Iye langka gute ka waiki uri ila ninu deka iye yas taklak e uri ninu ke opmu dagar. Deka langka aki song e pes ninu ma iye nemilmil kovok kesua gute uri ninu itau.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 1:21

Ida Tapolngon due imi kap umu itodong dagar ke Krais e iye rere ite ila osep ite.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Efesus 4:21

Osep ka tiparere umu ke Yesus ila elio tiwai ke umu ke pelengon lokono. Deka umoklingen ine e umedidie.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

1 Tesalonaika 5:18

Umeneklep ke Krais Yesus kodong deka Ida Tapolngon waiki umawai tenkyu ke iye ke wansua ka polou ke umu. Langka isak elio itau koke elio soulu.

2 Tesalonaika 2:17

E ngawaiki iye due aitno lumu tipolou dagar lokono e lua umu ma aling aling umodue elio isuk isuk ka itau e umawai pelengon ka itau vala.

Hibru 13:15

Deka aling aling itakakai Ida Tapolngon angaine tito la egim. Ane langka itodue elio opmu ina alo ka itapalongo osep ke Yesus.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

Pas ka Jut sogoe 1:12

Ngaile aling leklou umu ka Ida Tapolngon ila osep umoduni pulu ma umangen ngangon kesua umu lana umu pulu. E osep yakngan ina tonari tisep tidong kap umu blang. E isak tidong langka wan ka amum ka soulu lokono ke lumu duningen. Aitno lisak mter ke urok elio soulu kovok e aitno lisak mter ke isak tona vala. Isak langka gaup ke erei aitno ka aragu dong ine kovok e engen ipu isak kla suong. E silang isak langka akai ka tiusu otna kovok e osep tiblou isak tiduru ke taklak e tipi gigitno ke taklak. Osep soulu bitna tonari isak langka timete aling orwo kodong.

Pas ka Jut sogoe 1:20

Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.