Kolosi 2:20 - Aria New Testament

²⁰ Umemete kap Krais kodong e ano ka tiplau taklak ane tiplau umu kovok. Deka ina lange umu dau umelila langka isak dau tiplau umu? Ina lange umedidi urok pelengon bitna bitna?

Kolosi 2:20 ပူးပေါင်းရင်းမြစ်များ

Jon 15:19

Langka umu osep taklak ina ma isak lana isak ke umu langka isak lana isak ke isak sisrok. E umodong langka osep taklak ina kovok e ngarere umu ma umosongon isak deka ke batne langane aitno lisak engil e amnga ke umu.

2 Korin 10:3

Lokono. Imodong ke taklak ane e dau imodue evlei langka osep taklak ina tidue kovok.

Galesia 4:3

E ite blang langane. Alo ka itodong langka mimi daudeng itodong langka wokboi nating. Itodong langane ke ansak ka tiplau wan ke sirva e wan ke taklak.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

Efesus 2:15

Krais due Moses ila sogongon ka oglou plau imi osep Yuda ina ma pelengon dagar tonari plau imi kovok. Deka pelengon dagar tonari e sogongon bitna bitna ka oglou imawaiki tiplau imi tiplau imi kovok. Krais Yesus due osua ka osep Yuda ina e osua ka osep ka isak osep Yuda ina kovok tineklep ke iye. Deka tipolou osua oku ina ka kene deka osua kene vala dong. Iye due langane deka osep tonari aitno lisak epen pulu.

Kolosi 2:14

Oglou itadar Ida Tapolngon ila pelengon e itodue elio epmes ina bitna bitna ka tivri lite e iye sogo ite kente kente udo elio soulu ke ila buk. Deka alo ka Ida Tapolngon klok udo elio epmes ina la ane langka iye sak udo elio epmes ina ke ila buk ma isak yagos e tivri lite kovok. Elio ka iye lua ite langka iye nilim udo elio epmes ina bitna bitna ke Krais ina akai deka isak yagos.

Kolosi 2:16

Umosongon gute gesa ma iye wade umu ke wan ka umangen koke wan ka umeinim koke ke oklou bitna bitna ka osep tirere ma itolotuim Ida Tapolngon ine koke ke rogo ke alo ka taiko nepel oku koke ke oklou sabat kovok.

Kolosi 2:21

Pelengon tonari langka parangan langane. Umekise sakam. Umangene sakam. Umakaie sakam.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

Kolosi 3:3

Umemete kodong kap Krais e umeneklep ke iye. E umeile omur ke lumu mosongon itau keniye dau kovok e mase ma Ida Tapolngon due mosongon tonari polou malak.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.