Kolosi 2:2 - Aria New Testament

² Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

Kolosi 2:2 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Luk 1:1

Osep pula tinogrum ma tisogo basikngen ke elio omba ka polou airavu ke imi.

Jon 10:30

Ngong e Livou imi eriar vala.”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 16:15

Wan ka pula keniye ka tidong ke Livou tidong ke ngong blang e ke batne langane ngawai iye karanga due lou pelengon e wai ine ke umu.”

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 5:17

Deka Yesus wai ke isak langane. “Aling aling Livou due elio langane e ngong blang ngadue langane.”

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Aposel 4:32

Alo ari osep ka aitno lisak dagar ke Yesus aitno lisak kene pulu e tilua pulu ke urok wan bitna bitna. Osep pula tiwai urok wan bitna bitna ina gute osep keniye. Tidue elio langka gute kene wai langka ila wan iye tona ila kovok.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

Pas ka Pol sogoe uti la ke osep Rom ina 2:4

Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.

1 Korin 14:31

Umu kenmu kenmu umakaranga umanapapra kene kene ma osep ka pula keniye tidue ilengen ma tipolou dagar.

1 Korin 2:12

E itodue ilengen ka taklak ane ina kovok. Aurou. Itodue Ano Itau ma iteile kerengen ka Ida Tapolngon kare ke ite.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

Efesus 3:16

Ida Tapolngon ila arit ka ombatno dong ke omur heven. Deka ngapmi iye ma Ano Itau lua umu ke ila arit. Ngapmi iye ma ila arit due aitno lumu ma aitno lumu tidong dagar.

Efesus 3:3

Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.

Efesus 6:22

Ngavai iye ma iye uti polou ke umu ma umeile omur ke imi. Ngawaiki iye palongo lumu ke limem mosongon ma ila pelengon due aitno lumu tipolou dagar lokono.

Filipai 2:1

Krais due aitno lumu tidong dagar e iye lana iye ke umu i? Umodong kene pulu kap Ano Itau i? Aitno lumu itau ke osep leklou e aitno lumu due isak e aitno lumu kro ke osep ka wan polou ka opru isak i?

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

Kolosi 1:26

Ke oglou pelengon tonari dong kukwop e osep ka pula keniye tile ine kovok. E eknikane iye polou malak kodong ke Ida Tapolngon ila osep.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 2:19

Osep ka langare tisongon elio ka tikis dagar ke Krais ka iye mgo ke ila osep ka pula keniye. Krais langka otuk lite e ite pampamu ine. Krais kar ngangon ke ite e ila arit due ite itodong kene pulu ma itopolou dagar langka Ida Tapolngon waiki itopolou dagar. Itopolou dagar langka pampamu lite ina papalma bitna bitna due pampamu lite dong dagar.

Kolosi 3:14

E wan ka ombatno langane. Umu lana umu pulu. Kesua elio ka umu lana umu pulu iye langka pou umu pulu deka umodong kene vala langka Ida Tapolngon waiki umodong.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

Kolosi 4:8

Ngapagei iye la ke umu ma iye karanga palongo lumu ke limem mosongon e ma iye due aitno lumu dong itau.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 6:11

Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.

2 Pita 1:10

Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

2 Pita 1:3

Yesus iye Ida Tapolngon blang e iye didi ila arit e kar ite wan pula ka lua ite ma udo mosongon dong itau e itodue elio bitna bitna ka itau. Iye lua ite ma iteile itau ke iye ka gi ite ma itodong kap iye ke ila bublongon e ila elio ka itau lokono.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

1 Jon 3:19

Langka ite lana ite ke sudo deka iteile omur ite Ida Tapolngon ila osep lokono. Iteile itodong itau ke Ida Tapolngon bitna deka aitno lite mtong ine.

1 Jon 5:7

Ano Itau ka iye pelengon lokono batne palongo udo elio ane lokono.