Kolosi 2:19 - Aria New Testament

¹⁹ Osep ka langare tisongon elio ka tikis dagar ke Krais ka iye mgo ke ila osep ka pula keniye. Krais langka otuk lite e ite pampamu ine. Krais kar ngangon ke ite e ila arit due ite itodong kene pulu ma itopolou dagar langka Ida Tapolngon waiki itopolou dagar. Itopolou dagar langka pampamu lite ina papalma bitna bitna due pampamu lite dong dagar.

Kolosi 2:19 ပူးပေါင်းရင်းမြစ်များ

Luk 5:38

E gute due aki wain oku ina sep ke aki wain tarna oku ina.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Aposel 4:32

Alo ari osep ka aitno lisak dagar ke Yesus aitno lisak kene pulu e tilua pulu ke urok wan bitna bitna. Osep pula tiwai urok wan bitna bitna ina gute osep keniye. Tidue elio langka gute kene wai langka ila wan iye tona ila kovok.

Pas ka Pol sogoe uti la ke osep Rom ina 11:17

E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

1 Korin 11:3

E ngawaiki ma umeile omur ke pelengon langane. Ida Tapolngon plau Krais e Krais plau osep arang e osep arang tiplau sasarak.

1 Korin 3:6

Ngong langka ngausak londo koke wan esle e Apolos langka iye baser aki duru ine. E Ida Tapolngon vala due ngangon polou anino.

Efesus 1:22

Ida Tapolngon due Krais ila arit polou ombatno lokono deka ila arit mole wan ka pula keniye urok arit. Deka iye plau wan ka pula keniye. Ida Tapolngon due langane ma Krais dong Ida Tapolngon ila osep Inarak Puda.

Efesus 1:23

E ite ka Yesus ila osep itodong eriar langka Krais pampamu ine. E eriar langka Krais dong ke omur ka pula keniye iye dong kap ite ka Yesus ila osep blang.

Efesus 2:21

Deka langane. Eriar langka opmu due ninu gesa dong dagar lokono deka Yesus due ila osep tipolou tidong dagar blang. Ma tirim tipolou dagar lokono eriar langka ninu itau lokono ka Ida Puda ila wan.

Efesus 4:3

Ida Tapolngon tuk Ano Itau me dong ke aitno lumu e due aitno lumu kene pulu. Deka umoboko dagar ke elio ka aitno lumu kene pulu. Kesua elio ka Ano Itau due aitno lumu epen pulu eriar langka akai ka apmang tigrume e tidue galou e tigilgile batne kene.

Efesus 5:29

E umeile omur langane. Itosep itapaiavu pampamu lite kovok. Aurou. Itekere pampamu lite itau e itangen ngangon itau ma pampamu lite tidong itau vala. Elio ka itekere pampamu lite itau eriar langka elio ka Krais kere ila osep itau.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 1:18

Sios iye Krais pampamu ine e iye mgo ke sios langka otuk ine. E iye mosongon ka itau batne e iye mgo ke osep ka timole inarak denga e iye ma vri mgo ke wan ka pula keniye.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

1 Tesalonaika 3:12

Imawaiki Ida Puda due umu ma umu lana umu pulu e umu lana umu ke osep ka pula keniye. Ma umu lana umu ke osep eriar langka imi lana imi ke umu.

1 Tesalonaika 4:10

E umodue elio langane kodong ke Ida Tapolngon ila osep ka tidong ke provins Masedonia. E sipmi imawai dagar ke umu ma aling aling umodue elio langane itau lokono.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.