Kolosi 2:18 - Aria New Testament

¹⁸ Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

Kolosi 2:18 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Pas ka Pol sogoe uti la ke osep Rom ina 1:25

Tipli Ida Tapolngon ila pelengon ka lokono e tipalele ila pelengon ke pelengon yakngan vala. Deka tilotuim wan bitna bitna ka Ida Tapolngon due e tiwaiki wan bitna bitna tonari inarak puda. Aitno lisak langane e Ida Tapolngon waiki aitno lisak langane kovok. Iye waiki osep ka pula keniye tikakai angaine vala. E aitno itau itau dong vala dong. Lokono.

Pas ka Pol sogoe uti la ke osep Rom ina 16:18

Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

1 Korin 13:4

Gute ka lana iye ke osep leklou ma aitno engil suong kovok e ma koli osep urok elio soulu ka tidue ke iye kovok. Ma iye due mada ke isak. Ma aitno rim ke osep kovok. Ma iye kakai iye tona angaine kovok e ma aitno vri ke iye kovok.

1 Korin 3:3

Kesua umu dau umedidi aitno lumu oglou ina. E elio ka oglou ina e elio ka aitno lumu soulu ke lumu saten leklou e elio ka umotuk opmu pulu dau tidong ke umu. E elio tonari ka umodue io isak elio ka aitno lumu oglou ina tidue. Elio tonari osep ka taklak ina urok elio.

1 Korin 4:18

E supmu leklou aitno lisak mter langka ma ngauti ke umu kovok e aitno lisak vri ke isak e tikakai angainsak vala.

1 Korin 4:6

Sipmi. Ngawaiki ngalua umu deka ngawai ke umu ke pelengon ane ka la ke ngong orwo Apolos. E ngawaiki ma aitno lumu mter ke imorwo limem elio itau ma umeile Ida Tapolngon ila pelengon ka wai langane lana ine. Ma umoklou pelengon kovok. E ngawaiki aitno lumu vri ke umu kovok. E umakakai gute gesa angaine tito e umepes gute silang angaine duru kovok.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 12:20

Ma ngapolou ke umu e dau aitno lungong nesik lama lumu elio langka elio ka ngawaiki umodue kovok. E silang blang ngawaiki aitno lumu itau ke lou elio blang. Aitno lungong kro lama ngavati elio soulu ke umu ka langane. Opmu mluk pulu e aitno lumu rim ke osep leklou e aitno lumu nevlik amnga. E aitno lumu mter ke umu kenmu kenmu vala e umawai soulu ke osep e umodue adis. E aitno lumu mter langka umomole osep leklou e umodue elio ulik ulik vala.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Efesus 5:6

Umeile umu itau lama osep leklou tipagolgol aitno lumu ke pelengon yakngan. Lama tipagolgol aitno lumu e umodue elio epmes ina bitna bitna. Kesua Ida Tapolngon aitno engil lokono ke osep ka tidue elio epmes ina bitna bitna e tiklingen ila pelengon kovok.

Filipai 3:14

E ngong arit ngong ma ngadue wan ka Ida Tapolngon rere ke ngong langka gute ka suong dagar ke resis ma iye due prais. Prais tonari udo mosongon ka dong vala dong ka Ida Tapolngon rere ke ite ke Krais Yesus.

Kolosi 2:23

Parangan tonari bitna langka isak ilengen omba e tisruk ite ma itolotuim ensel e itepes ite itoduru e itadangdang pampamu lite ke ngangon e aki e wan langane. E parangan tonari karanga lua ite ma itadangdang pampamu lite ke elio oglou ina kovok. Aurou.

Kolosi 2:4

Ngawaiki ma gute gesa karanga wai dikngen ke umu e yak umu kovok deka ngawai pelengon ane.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

1 Timoti 1:7

E tiwaiki tiparere osep ke Ida Tapolngon ila pelengon ka Moses sogo ine e aitno lisak langka tiparere osep osuk. E isak tona tile lokono ke pelengon ka tinapapra ine batne kovok. E tile omur ke urok pelengon kovok.

1 Timoti 4:1

Ano Itau wai malak langane. Ke taim ka mase ma polou osep leklou ma tisongon aitno lisak ila dagar. Deka ma tiklingen ke ano ka yakngan ina e ma tididi angelo soulu urok pelengon.

2 Pita 2:14

Osep tonari tikrim apmang ka ekreng palma ina ma tidue elio kap isak e aling aling tiwaiki tidue elio epmes ina. Tiyak osep ka aitno lisak ila dagar dau dagar kovok ma tidue elio soulu. Tile omur ke elio ka tingale e tidue osep urok wan. Aisudo. Ida Tapolngon ma ules isak ke urok elio soulu ka tidue.

1 Jon 2:26

Ngasogo pelengon ke umu ma ngapalongo lumu ke osep ka tiwaiki tiyak umu.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”

Pelengon kukwopngon 3:11

Ma ngame suong ke umu. Deka umekis dagar ke aitno lumu ila dagar lama gute gesa pi upu prais.’”