Kolosi 2:13 - Aria New Testament

¹³ Oglou umodue elio soulu bitna bitna e umedidi elio ke aitno lumu oglou ina deka ke elio tonari langka anmu timete. E Ida Tapolngon due umu umodue lumu mosongon oku ina kap Krais deka Ida Tapolngon klok lumu elio epmes ina la.

Kolosi 2:13 ပူးပေါင်းရင်းမြစ်များ

Luk 15:24

Aitno lite neser kesua erigu arang ane langka iye mete e eknikane iye dong blang. E iye imina e oku ane itapado iye blang.’ Deka tinogrum tiketir.”

Luk 15:32

E eknikane ngap aiver ka langka iye mete dong blang e iye langka imina e oku ane itapado iye blang. E ke batne langane wan ka itau itodue rogo e aitno lite neser.’”

Luk 9:60

E Yesus wai ke iye langane. “Omsongon osep ka isak langka timete tiyas osep ka timete kodong e amla amnapapra omon ka la ke omur Ida Tapolngon plaue.”

Jon 5:21

Eriar langka Livou due osep ka timete kodong tipoga titito ke inarak denga e kar mosongon oku ina ke isak ngong ka Otno Arang ngakar mosongon oku ina ke osep ka ngawaiki ngakar mosongon tonari ke isak.

Jon 6:63

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

1 Korin 15:36

Osep ka tiwai langane isak kaka vala. Umeile alo ka gute usak wit londo deka wit londo tonari ma polou okus mgo deka ma iye nobolbol tito.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

2 Korin 5:19

Ane langka ke Krais Ida Tapolngon due osep ka pula keniye aitno lisak kene kap iye e urok elio soulu vri ke isak kovok. E iye kar bokongon ke ite ka itanapapra omon itau ma itodue osep aitno lisak tipolou kene kap iye.

Efesus 2:1

Oglou umeini Ida Tapolngon ila pelengon kovok e umodue elio epmes ina bitna bitna vala. Deka elio epmes ina tek umu ke Ida Tapolngon. E umodong langka osep ka angainsak timete kodong.

Efesus 2:11

E omtomu sisir langane. Oglou umodong ke osep Yuda ina urok osua kovok. E osep Yuda ina ka tisir isak osep ka tididi elio ulangngan ina ka osep tidue ke tarna lisak tisir umu osep ka umedidi elio ulangngan ina kovok.

Efesus 5:14

Deka alo ka umapalongo osep ke urok elio epmes ina urok elio tonari polou malak ke osep. Oglou gute gesa wai pelengon ano langane. “Wom ka omdong langka ommunu kudung emtipa. Wom ka omdong langka emmete emtito e Krais ma due wom omdong ke bublo-ngon.”

Kolosi 2:12

Alo ka umodue elio paunimngen ina umenis osep aitno lumu dagar ke Ida Tapolngon ka ila arit due Krais poga tito e dong blang. Deka ari osep tipaunim umu langka umogosok Krais umemete e osep tiyas umu kap iye. Deka Ida Tapolngon ila arit due umu umogosok Krais umopoga umetito e umodong blang.

1 Timoti 5:6

E langka apmang ka isak sasap batne mase tididi pampamu lisak vala deka apmang tonari tidong langka ansak vala timete kodong.

1 Timoti 6:13

Ida Tapolngon due wan ka pula keniye. E Krais Yesus vri dagar e wai malak ke Pontius Pailat bitna. Deka ke amtarsak ngawai dagar lugom langane.

Hibru 6:1

Deka langane. Ma imawai ke umu ke Ida Tapolngon ila pelengon ka dagar vala. Ma imawai ke umu ke pelengon mgo ka la ke Krais kovok. E ma imawai ke umu ke elio ka langane blang kovok. Elio ka umabauluk aitno lumu ke elio bitna bitna ka tikaranga tilua umu kovok e elio ka aitno lumu la dagar ke Ida Tapolngon. Langka imawai ke umu blang ke elio tonari ane langka gute sin kadangdanga aling pula e dau uri ninu ine kovok.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Jems 2:17

E langane. Langka gute wai aitno dagar ke Ida Tapolngon e dau iye due elio isuk isuk ka didi aitno ila dagar lokono kovok deka iye wai pelengon adai vala.

Jems 2:20

Umu kaka deka aitno lumu mter ke elio itau kovok. Ma nganis umu langane. Gute ka wai aitno ila dagar la ke Ida Tapolngon e dau ila elio isuk isuk didi ila pelengon kovok ila pelengon tonari adai vala.

Jems 2:26

Iteile langka gute gesa ano la deka pampamu ine mete kodong. E langane ke gute ka wai aitno ila dagar la ke Ida Tapolngon e iye due elio isuk isuk ka didi aitno ila dagar kovok. Iye dong langka gute ka ano la e iye mete kodong.

1 Jon 2:12

Lou mimi daudeng. Nga-sogo pelengon ke umu kesua Ida Tapolngon sak lumu elio epmes ina batne Krais dong.