Kolosi 1:9 - Aria New Testament

⁹ Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 1:9 ပူးပေါင်းရင်းမြစ်များ

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Aposel 12:5

Pita dau dong ke kalabus aitno e osep ola ina tiplau iye itau. Alo ari oklou aling aling Ida Tapolngon ila sios tipmi Ida Tapolngon pula ma iye lua Pita.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

1 Korin 1:5

Ngawai itau ke Ida Tapolngon kesua umeneklep ke Krais kodong e iye kere umu itau. Iye kere umu deka umanapapra ila pelengon itau e umeile omur ke wan bitna bitna itau.

Efesus 1:8

Iye lua ite itau lokono ke ila makaingan ka ombatno lokono. Kesua ila ilengen ombatno e iye ile omur ke wan bitna bitna keniye.

Efesus 5:10

Umotoke ma umekrim ilengen ke elio ka Ida Puda aitno itau ine.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Filipai 1:4

E aling aling alo ka ngawai itau aitno lungong neser ke umu e ngawai itau ke umu.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Kolosi 4:5

Alo ka umodong airavu ke osep epmes ina umeile umu itau ma umodue elio itau vala. Umodong umaplau umu itau ma umakaranga umodue elio itau ka nis isak ke aitno lumu ila dagar.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Tesalonaika 5:17

E aling aling umawai itau ke Ida Tapolngon.

2 Tesalonaika 1:11

Aitno lumu la dagar ke Ida Tapolngon e aling aling imawai itau ke Ida Tapolngon ke umu. Imepmi iye ma iye due umu umakaranga umodue elio itau ka iye waiki umodue. Imawaiki iye lua umu ke ila arit ma umakaranga umodue elio itau keniye ka umawaiki umodue. Umawaiki umodue elio itau kesua aitno lumu la dagar ke Ida Tapolngon.

Filemon 1:4

Lou aten Filemon. Aling aling alo ka ngawai itau ke Ida Tapolngon aitno lungong mter ke wom deka ngawai tenkyu ke iye batne ke wom e ngawai itau ke wom.

Filemon 1:6

Aitno lite ila dagar eriar e itogosok iteneklep ke Krais. E ngawai itau ke Ida Tapolngon ma iteile omur ke kerengen ka pula keniye ka itodue ke Krais.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Jon 2:17

Mase taklak ane e wan ka pula keniye ka taklak ina ma tipolou yagos. E gute ka didi Ida Tapolngon aitno ma dong vala dong.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.