Kolosi 1:5 - Aria New Testament

⁵ Oglou alo ka pelengon lokono ka omon itau polou ke umu deka umoklingen ke wan ka itau lokono ka Ida Tapolngon rere ka dong para ke umu ke omur heven.

Kolosi 1:5 ပူးပေါင်းရင်းမြစ်များ

Luk 12:33

Umodue burong ke lumu brokngon e umakar mani ke osep ka urok wan isuk boto vala. Deka ma umodue lumu wan itau lokono ka dong ke omur heven e polou yagos kovok. E ke omur heven gute panakongon ina me kovok e kokros ngen wan kovok.

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Pas ka Pol sogoe uti la ke osep Rom ina 10:8

Kesua osep ka tisogo Ida Tapolngon ila pelengon tisogo langane. “Ida Tapolngon ila pelengon ka due aitno lite ila dagar la dagar ke iye dong mawa ke ite kovok. Aurou. Itawai ine e iye dong ke aitno lite blang.” E pelengon ka imanapapra ine pelengon tonari.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

1 Korin 15:19

E langka elio ka aitno lite dagar ke Krais lua ite ke udo mosongon ka taklak ane vala deka ma ite tona vala. Deka itodong soulu lokono.

2 Korin 5:19

Ane langka ke Krais Ida Tapolngon due osep ka pula keniye aitno lisak kene kap iye e urok elio soulu vri ke isak kovok. E iye kar bokongon ke ite ka itanapapra omon itau ma itodue osep aitno lisak tipolou kene kap iye.

2 Korin 6:7

Imanapapra pelengon ka lokono vala e imoboko ke Ida Tapolngon ila arit. Imodue elio isuk isuk ka itau e limem elio tonari langka ola e osua ka tilua osep alo ka tidue evlei kap inarak oul.

Galesia 2:14

Alo ka ngavati isak tididi pelengon lokono ka omon itau kovok ngawai ke Pita ke osep amtarsak langane. “Wom gute Yuda ina e dau emdidi elio langka osep ka isak osep Yuda ina kovok e wom tona emdidi osep Yuda ina inarak apu kovok. E ina lange amwaiki ampagei osep ka isak osep Yuda ina kovok ma tididi osep Yuda ina inarak apu?”

Galesia 2:5

E imakaranga imodong moli ke urok pelengon kovok. Imawaiki pelengon lokono ka omon itau segesege kovok. Ma aling aling umakaranga umedidie osuk.

Galesia 5:5

Ke Ano Itau ila arit aitno lite dagar ke Ida Tapolngon e itapara ma iye sir ite osep itau.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 4:21

Osep ka tiparere umu ke Yesus ila elio tiwai ke umu ke pelengon lokono. Deka umoklingen ine e umedidie.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

2 Pita 1:12

Umeile pelengon tonari e umodong dagar ine kodong. Lama langane dau ngawaiki ngasruk aitno lumu ke pelengon ane ma omtomu sisir ke pelengon lokono ka umodue kodong.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.