Kolosi 1:23 - Aria New Testament

²³ E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:23 ပူးပေါင်းရင်းမြစ်များ

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 22:32

E ngawai itau ke Ida Tapolngon ke wom ma aitno lugom ila dagar dong dagar. E alo ka ambauluk e emiding ke ngong ngawaiki omdue lem osua aitno lisak ila dagar tidong dagar lokono.”

Luk 6:48

Iye langka gute ka waiki uri ila ninu deka iye yas taklak e uri ninu ke opmu dagar. Deka langka aki song e pes ninu ma iye nemilmil kovok kesua gute uri ninu itau.

Jon 15:6

Langka gute gesa dong dagar ke ngong kovok ane langka osep tiblou e tiuri tetna ka sasi e tetna tonari polou kakrak. Deka osep tigom tetna ka kakrak e tiuri isak ke eiou e eiou ngen isak.”

Aposel 1:17

Oglou Yesus ila disaipel ite e Judas. E Judas lila boko kap ite.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 2:5

Alo ari osep Yuda ina pula ka tiwaiki tilotuim Ida Tapolngon ka urok armok batne dong ke kantri pula tidong ke Jerusalem.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 26:16

Emtito emvri. Ngapolou ke wom kesua ngarere wom lou gute bokongon ina gesa. E ma ampalongo osep ke elio ka oku ane amvati e ke elio ka mase ma nganis wom ine.

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Pas ka Pol sogoe uti la ke osep Rom ina 10:18

E ngapmi umu langane. Osep ka aitno lisak dagar ke Ida Tapolngon ila pelengon kovok tile ine koke aurou? Osep tonari tile ine kodong eriar langka Ida Tapolngon ila pelengon wai ine. Ila pelengon wai langane. “Osep napaprangan ina urok pelengon la ke omur ka pula keniye. Omur gesa dong kovok ka urok pelengon polou ine kovok.”

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

2 Korin 4:1

Ida Tapolngon aitno due imi e kar bokongon ane ke imi e imoulou ine e imosongone kovok. E imodue vala.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 4:11

Aitno lungong mter ke lumu elio langane e aitno lungong kro langka bokongon ka ngadue airavu ke umu polou adai vala.

Galesia 5:5

Ke Ano Itau ila arit aitno lite dagar ke Ida Tapolngon e itapara ma iye sir ite osep itau.

Galesia 5:7

Oglou umeile itau ke Krais ila ekreng. Deka sei dangdang umu ma umeini pelengon ka lokono kovok?

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

Efesus 1:18

Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.

Efesus 2:21

Deka langane. Eriar langka opmu due ninu gesa dong dagar lokono deka Yesus due ila osep tipolou tidong dagar blang. Ma tirim tipolou dagar lokono eriar langka ninu itau lokono ka Ida Puda ila wan.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Efesus 4:16

E iye plau ite keniye e kis ite keniye dagar. Deka eriar langka gute gesa pampamu ine ongwa ine bitna bitna tiblet pulu dagar deka Krais blang kis ite ma itodong dagar pulu. E langka ite ka Krais pampamu ine itolua ite pulu itau e ite lana ite pulu ma ite keniye itopolou dagar lokono. Deka itodong dagar lokono.

Kolosi 1:25

Ida Tapolngon rere ngong e ngapolou sios ina gute bokongon ina ma ngalua umu. E lou bokongon dong ka nganapapra Ida Tapolngon ila pelengon keniye.

Kolosi 2:7

Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

1 Tesalonaika 3:3

Lama elio ka osep tidue agegeng ke umu due aitno lumu kro ine. Umeile Ida Tapolngon rere ite ma itanamani elio soulu langane.

1 Tesalonaika 3:5

Ke batne langane ngakaranga ngapara kovok. E ngapagei Timoti la ke umu ma ngaile omur langka aitno lumu ila dagar dau dong dagar koke aurou. Lama Satan polou ke umu e tok umu kodong e umosongon aitno lumu ila dagar e limem bokongon ke umu polou adai.

1 Tesalonaika 5:8

E itodong ke oklou deka ma iteile ite itau. Eriar langka gute ola ina kis ila osua dagar ma osua kading iye itau deka umekis dagar ke aitno lumu ila dagar e ke elio ka umu lana umu ke osep. E elio ka itapara ma Ida Tapolngon lua ite iye langka hat kapa ka kading gute ola ina otuk ine.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Taitus 3:7

Ida Tapolngon makai ite e due ite itopolou itau lokono ke bitna. Ke elio langane iye rere ite ma itodong ke udo mosongon ka oku ina aling aling. E itodong itapara ke udo mosongon ka dong vala dong.

Hibru 10:38

E lou osep ka tididi aitno lungong ma aitno lisak ila dagar due isak tidong itau. E langka tipul dogur ke ngong deka aitno lungong itau ke isak kovok.”

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 6:19

Elio ka itodong itapara ke wan itau ka Ida Tapolngon wai ine lua aitno lite ma aitno lite ila dagar dong langka anka omba ka lua sip lama boitini bakule. Deka aitno lite ila dagar ma dong dagar vala e itala itesep ke eliang daudeng ka dong batne ke molo ka botom lokono.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”