Kolosi 1:2 - Aria New Testament

² Imosogo pas ane uti ke umu ka Ida Tapolngon ila osep ka umodong ke armok Kolosi. Umu ka sipmi aitno lumu ila dagar dong dagar ke Krais. Ida Tapolngon ka Pmada ila makaingan dong kap umu e due aitno lumu dong epen.

Kolosi 1:2 ပူးပေါင်းရင်းမြစ်များ

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

1 Korin 1:2

Imosogo pas ane uti la ke umu ka Yesus ila osep ka umodong ke Korin. Ida Tapolngon rere umu ka umeneklep ke Krais Yesus ila osep ka itau lokono. Ida Tapolngon rere umu kap osep keniye ka aitno lisak la dagar ke Ida Puda Yesus Krais e ka tiwai itau ke iye ma umu ila osep ka itau lokono.

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

Galesia 1:3

Ida Tapolngon ka Pmada kap Ida Puda Yesus Krais timakai umu e tidue aitno lumu epen.

Galesia 3:9

Abraham aitno dagar ke Ida Tapolngon deka Ida Tapolngon kere iye itau. E ma Ida Tapolngon due elio langane ke osep ka pula keniye ka aitno lisak dagar ke iye.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Efesus 6:21

Ite lana ite ke gute Tikikus e iye boko dagar ke Ida Puda ila bokongon. Ma iye uti polou ke umu deka ma iye palongo lumu ke lou mosongon. Ma umeile ke lou elio isuk isuk e ke elio bitna bitna ka polou ke ngong.

Filipai 1:1

Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.

2 Pita 1:2

Ngawaiki Ida Tapolngon ila makaingan e elio ka iye due aitno lumu dong epen dong kap umu. E ngawaiki umeile omur itau ke Ida Tapolngon e Ida Puda Yesus.

Pas ka Jut sogoe 1:2

Ngawaiki Ida Tapolngon aitno due umu e due aitno lumu epen e due elio ka umu lana umu ke osep pula dong kap umu.

Pelengon kukwopngon 1:4

E ngong Jon ngasogo pele-ngon ane uti ke umu ka pula keniye ka umodong ke sios lumorwo ka tidong ke provins Esia. Ida Tapolngon ka oglou iye dong kodong e eknikane iye dong e mase ma iye dong blang makai umu e due aitno lumu dong epen. E ano lumorwo ka dong ke Ida Tapolngon ila kova bitna timakai umu e tidue aitno lumu dong epen blang.