Kolosi 1:16 - Aria New Testament

¹⁶ Ke Otno Arang ila arit Ida Tapolngon due wan ka pula keniye ke omur heven e ke taklak. Iye due wan ka pula keniye ka itavati e wan ka itakaranga itavati kovok. Wan ka itakaranga itavati kovok ane langka ensel ka urok arit omba e wan langka ano ka urok arit omba blang e wan leklou ka urok arit omba blang. Iye kar arit ke Krais deka Krais tapol wan ka pula keniye e wan ka pula keniye iye tona ila wan.

Kolosi 1:16 ပူးပေါင်းရင်းမြစ်များ

Jon 1:10

Bublongon me dong ke taklak e lama Ida Tapolngon due gute tonari tapol taklak e wan ka pula keniye ka tidong ine dau osep ke taklak tile iye kovok.

Jon 1:3

Ida Tapolngon due gute tonari ma iye tapol wan ka pula keniye ka tidong. E wan gesa polou ke ekreng silang kovok. Aurou.

Pas ka Pol sogoe uti la ke osep Rom ina 11:36

Kesua Ida Tapolngon due wan ka pula keniye e iye wan ka pula keniye me ke iye. E wan ka pula keniye iye tona vala ila wan. Deka ma itakakai Ida Tapolngon angaine tito la egim lokono dong vala dong. Lokono.

Pas ka Pol sogoe uti la ke osep Rom ina 8:38

Eknikane aitno lungong dagar lokono langane. Elio kene gesa dong kovok ka karanga dangdang Ida Tapolngon ma iye lana iye ke ite kovok. Langka itodong koke itemete ma iye dau lana iye ke ite. Langka ensel itau koke angelo soulu io tikaranga tidangdang iye ma iye lana iye ke ite kovok. Eknikane elio kene gesa dong ka karanga dangdang Ida Tapolngon ma iye lana iye ke ite kovok. E mase elio kene gesa ma polou ka karanga dangdang Ida Tapolngon ma iye lana iye ke ite kovok.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Efesus 1:10

Oglou Ida Tapolngon rere oklou ka lesen ma wan ka pula keniye ma polou yagos. Deka mase ma iye due polou yagos. E ma iye tona due Krais ma plau ila duengen ka pula keniye. Ma iye plau wan bitna bitna keniye ka dong ke omur ka egim e ma iye plau wan bitna bitna keniye ka dong ke taklak blang.

Efesus 6:12

Itekere ite itau lokono kesua itodong itodue evlei ke ida oul ka isak osep kovok. Aurou. Oku ane langka aivoro lokono e itodong itodue evlei ke Satan e angelo soulu. Itodue evlei ke angelo soulu leklou ka tivri mgo e angelo soulu leklou ka tiplau angelo soulu ka pula e angelo soulu leklou ka urok arit ombatno.

Filipai 2:10

Ida Tapolngon due langane ma osep tidue anit ke Yesus. Deka osep ka tidong ke omur heven e osep ka tidong ke taklak e osep ka tidong ke taklak aitno ma tigrum kamsak ke bitna.

Kolosi 1:15

Itakaranga itavati Ida Tapolngon kovok e dau Otno Arang iye eriar langka Ida Tapolngon. Iye Ida Tapolngon Otno Arang ka ina sirngen e iye mgo ke wan ka pula keniye ka Ida Tapolngon due polou.

Kolosi 1:20

E Ida Tapolngon Otno Arang due wan ka pula keniye ma tigosok iye tidong aitno lisak kene pulu. Wan ka taklak ina e wan ka omur heven ina. Deka iye songon Krais iye mete ke ina akai e ina marau baser. Ke elio tonari Ida Tapolngon due osep ka pula keniye tidong aitno lisak epen pulu kap iye.

Kolosi 2:10

Umeneklep ke Krais deka umodue mosongon ka lokono lokono batne ke iye. Ila arit ombatno e iye mole e plau ano ka pula keniye ka tiplau wan bitna bitna.

Kolosi 2:15

Iye due wan ka ano e angelo soulu ka tiplau omur omur urok arit yagos. Ke Krais ina akai Ida Tapolngon nis osep ka pula keniye iye mole wan tonari e due isak tipolou langka isak wan adai vala.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 2:10

Ida Tapolngon ka iye due wan ka pula keniye e ka ila arit plau wan tonari didi aitno e songon Yesus namani elio soulu ka osep tidue ke iye. Ke elio langane Yesus polou Ida Luangan e Ida Tapolngon waiki osep pula tipolou titno batne ke iye.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.