Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosi 1:12 - Aria New Testament

12 Umawai tenkyu ke Pmada ka due umu ma umedidi elio itau la lama iding ke alo ka umodue wan ka itau lokono ka iye rere ke umu. Ma umodue langane kap osep ka Ida Tapolngon ila osep ka tidong ke ila omur ka bublo omba.

အခန်းကိုကြည့်ပါ။ ကော်ပီ




Kolosi 1:12
50 ပူးပေါင်းရင်းမြစ်များ  

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.


E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.


E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”


E dau mase osep ka tilotuim Ida Tapolngon lokono ma tilotuim iye ke Ano Itau e ke elio lokono. Kesua Ida Tapolngon waiki osep ka urok elio langane ma tilotuim iye. E taim are polou kodong.


“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.


Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”


E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.


Tididi aitno lisak vala e tituktuk mani tonari e tikare ke isak. Elio ka langane itau lokono kesua osep Israel ina tilua osep leklou mgo ke Ida Tapolngon ila pelengon. Deka elio ka osep leklou tilua osep Israel ina ke urok wan ane elio itau lokono.


E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.


Iye dong dau tauni ine kesua batne ke osep leklou ka iye waiki aitno due isak. Iye waiki osep tonari tidong itau ke ila bublongon ka itau lokono. Kesua oglou ari kodong iye rere osep tonari ma tidong itau ke ila bublongon.


E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.


Ngadidi elio bitna bitna tonari kesua ngawaiki nganapapra Ida Tapolngon ila omon itau ke osep e ma Ida Tapolngon lua ngong gosok osep ka aitno lisak dagar ke iye ke ila kerengen.


E ngawai pelengon tonari e itedigrik ine kovok kesua Satan iye tona bisi ila elio e polou bitna langka iye Ida Tapolngon ila ensel gesa ka bublo.


E Ida Tapolngon kere ite ke mosongon oku ina tonari e iye kar Ano Itau ke ite ka wan mgongon ina ke wan bitna bitna ka mase ma iye kare ke ite.


Ida Tapolngon didi aitno ke elio bitna bitna keniye ka iye waiki tipolou. Deka iye due isak keniye tipolou. Oglou iye tona didi aitno e rere imi osep Yuda ina ka imeneklep ke Krais ma imi ila osep imi.


Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.


Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.


Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.


Ida Tapolngon kene vala dong ka ite ka pula keniye Pmada. Iye tona osep ka pula keniye Inarak Puda deka iye plau isak. Deka ila osep keniye tidue elio ka iye waiki tidue e iye dong kap isak ke aitno lisak.


Umeneklep ke osep ka tidue elio epmes ina bitna bitna sakam. Kesua elio epmes ina bitna bitna tipolou ke aivoro. E umenis osep ke elio itau vala ma osep tile omur elio epmes ina tonari wan ka soulu lokono vala.


E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.


Umabasik pulu ke elio soulu bitna bitna sakam. Umabasik pulu ulik ulik sakam. Umawai apok ke elio soulu bitna bitna sakam. E umu ka Yesus ila osep umodue elio langane. Umawai tenkyu ke Ida Tapolngon ke wan ka iye due. Kesua iye due elio itau lokono ke umu.


Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.


Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.


Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.


Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.


Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.


E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.


Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.


Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.


Aling leklou itakakai Ida Puda e Pmada angainsak tito la egim ke oda. E aling silang iteiluk osep ka Ida Tapolngon tapol isak langka iye tona ke oda blang.


Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.


Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.


E silang blang ke armok oklou e taiko tidong ma tibublo ine kovok kesua Ida Tapolngon ila bublongon bublo ke armok e Sipsip Otno iye dong langka armok ina lam.


Osep ka tigrong urok molo ka alang ma aitno lisak itau itau. Kesua tikaranga tidue wan otna ke akai ka mosongon ina e ma tikaranga tisep ke armok ke ina ekreng bitna.


E epmes polou blang kovok e lam koke oklou tibublo blang kovok kesua Ida Tapolngon ka iye Ida Puda blang ila bublongon bublo ke osep tonari. E iye plau isak dong vala dong.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ