Jon 9:39 - Aria New Testament

³⁹ Deka Yesus wai langane. “Ngame ke taklak ane ma ngawade osep ka pula keniye urok elio. Ma osep ka amtarsak evin tikaranga tivati omur e osep ka tivati omur tipolou langka osep ka amtarsak evin.”

Jon 9:39 ပူးပေါင်းရင်းမြစ်များ

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 15:14

Aitno lumu kro ke isak kovok kesua isak langka osep ka amtarsak evin ka tiwaiki tinis osep leklou ka amtarsak evin blang ke ekreng. Isak orwo ma tigene tiduru ke ovuk.”

Matyu 6:23

E langka omtomu sasi pampamu lumu keniye langka aivoro. E langka esluk ka dong ke aitno lumu bublo kovok aitno lumu aivoro lokono.”

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Luk 13:30

Umoklingen. Osep leklou ka oku ane time batne mase ma timgo e osep leklou ka oku ane timgo mase ma time batne.”

Luk 2:34

E Simeon wai ma Ida Tapolngon aitno itau itau ke isak e wai ke tna Maria langane. “Emklingen. Ida Tapolngon rere mimi ane ma iye due osep Israel ina pula tigene batne ke iye e iye due osep pula titito batne ke iye blang. E iye dong nisngen ke Ida Tapolngon aitno e ma osep pula tiwai soulu ke iye.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Luk 7:21

E alo ari Yesus due osep pula ka paiangan bitna bitna due isak tipolou itau blang e iye sapir angelo soulu ke osep leklou e iye due osep leklou ka amtarsak evin ma tikaranga tivati omur blang.

Jon 12:31

E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane.

Jon 12:46

Ngame ke taklak ma ngadong langka bublongon ma gute ka aitno dagar ke ngong dong ke aivoro kovok.

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 3:19

Elio ka Ida Tapolngon wade osep batne langane. Ida Tapolngon ila bublongon polou ke osep kodong e dau aitno lisak itau ke bublongon tonari kovok. Aurou. Aitno lisak itau ke aivoro kesua urok elio soulu lokono.

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Jon 8:15

Umedidi osep aitno lisak e umawade osep ine e ngawade gute kene kovok.

Jon 9:25

E gute koli wai ke isak langane. “Langka iye gute epmes ina koke aurou ngaile kovok e dau ngaile langane. Oglou omtongu evin e eknikane ngakaranga ngavati omur.”

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

2 Korin 2:16

Ke osep ka ma kla ke omur hel amnangan tonari langka wan ka mete ila amnangan e ke osep ka Ida Tapolngon lua isak kodong amnangan tonari langka wan ka ila mosongon dau dong ila amnangan itau. E sei karanga ke bokongon tonari? Imakaranga ine kovok.

Efesus 5:14

Deka alo ka umapalongo osep ke urok elio epmes ina urok elio tonari polou malak ke osep. Oglou gute gesa wai pelengon ano langane. “Wom ka omdong langka ommunu kudung emtipa. Wom ka omdong langka emmete emtito e Krais ma due wom omdong ke bublo-ngon.”

2 Tesalonaika 2:10

E iye due elio yakngan ina ka soulu lokono ma iye yak osep pula ma timete deka tikluk ke omur hel. Osep tonari ma tikluk kesua alo ka tiklingen pelengon lokono ka karanga lua isak ke urok elio epmes ina aitno lisak itau ine kovok e la dagar ine kovok.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.

1 Jon 2:11

E gute ka aitno engil ke iye sisrok dong ke aivoro e lila ke aivoro. E iye ile itau ke omur ka iye la ine kovok kesua iye dong ke aivoro e dong langka bitna evin.