Jon 9:35 - Aria New Testament

³⁵ Yesus klingen osep Yuda ina tisapir gute tonari ke duningen ina ninu deka iye la pado iye e wai ke iye langane. “Ate. Aitno lugom dagar ke Gute Ka Polou Langka Osep?”

Jon 9:35 ပူးပေါင်းရင်းမြစ်များ

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 1:1

Pelengon ane nogrum wai ke omon itau ka la ke Ida Tapolngon Otno Arang Yesus Krais.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 11:27

E Marta koli wai langane. “Ee. Ngau Puda aitno lungong dagar wom gute Krais ka Ida Tapolngon rere ma omlua osep ke urok elio epmes ina. Wom Ida Tapolngon Otno Arang ka iye pagei me ke taklak ane.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 5:14

Mase Yesus vati gute tonari ke omur ka lelei Ida Tapolngon ila ninu e wai ke iye langane. “Ompolou itau kodong e oku ane omdue elio epmes ina blang kovok lama elio soulu polou ke wom ka mole elio ka oglou polou ke wom.”

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Jon 9:22

E tna e timla tiwai langane kesua tilim ke osep Yuda ina. Kesua osep Yuda ina tiwai pulu kodong langka gute gesa wai Yesus iye gute Krais ka Ida Tapolngon rere ma iye lua osep ke urok elio epmes ina ma tisapir iye ke urok duningen ina ninu ma iye karanga la ke duningen blang kovok.

Jon 9:34

Deka osep Farisi ina tikoli tiwai langane. “Aiya divir wom ke elio epmes ina e lila me ke eknikane wom dau omdong ine. E oku ane amwaiki amparere imi i?” Deka tisapir iye ke urok duningen ina ninu.

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

Pas ka Pol sogoe uti la ke osep Rom ina 10:20

Aisaia palongo osep Israel ina ke Ida Tapolngon ila pelengon ka wai langane. “Osep leklou ka tikrim ke ngong kovok isak tipado ngong kodong. E osep leklou ka tipmi isak pulu ke ngong kovok ngapolou ke isak kodong.”

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

1 Jon 5:13

Ngasogo pelengon ane uti ke umu ka aitno lumu dagar ke Ida Tapolngon Otno Arang ma umeile omur langane. Aitno lumu dagar ke iye deka umodue mosongon ka dong vala dong.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:5

Osep seisei timole elio bitna bitna ka taklak ina? Osep ka aitno lisak dagar ke Yesus e tile iye Ida Tapolngon Otno Arang isak osep ka timole elio bitna bitna ka taklak ina.

3 Jon 1:10

Deka mase langka ngapolou ke umu ma ngawai malak ke ila elio ka iye due. Iye wai adis ke imi ke pelengon soulu. E iye due elio soulu silang blang langane. Alo ka osep ke udo osua tipolou ke iye deka iye lua isak ma tidong ke ila ninu kovok. E iye dangdang osep leklou ka tiwaiki tidue osep tisep ke urok ninu. E iye sapir osep tonari ke sios.