Jon 9:29 - Aria New Testament

²⁹ Imeile omur oglou Ida Tapolngon wai ke Moses e imeile omur ke gute are kovok.”

Jon 9:29 ပူးပေါင်းရင်းမြစ်များ

Matyu 12:24

E alo ka osep Farisi ina tiklingen pelengon tonari tiwai langane. “Iye sapir angelo soulu ke Belsebul ka plau angelo soulu ila arit.”

Matyu 26:61

“Gute ane wai ma iye karanga dar Ida Tapolngon ila ninu e mase urie blang ke oklou eklu.”

Luk 23:2

Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 7:27

E dau iteile gute ane ila omur batne e alo ka Krais me ma osep tile ila omur batne kovok.”

Jon 7:28

E Yesus parere osep ke omur ka lelei Ida Tapolngon ila ninu e wai omba langane. “Ee. Aitno lumu mter umeile ngong e umeile lou omur batne. E ngadong ane kesua ngadidi aitno lungong vala kovok. Aurou. E gute ka pagei ngong ngame ila elio keniye lokono e umeile ke iye kovok.

Jon 8:14

E Yesus koli wai ke isak langane. “Langka ngong tona vala ngawai ke lou elio dau lou pelengon lokono kesua ngaile lou omur batne ka ngame ine e ngaile omur ma ngala ine. E umu aurou. Umeile lou omur batne ka ngame ine kovok e umeile omur ma ngala ine kovok.

Jon 9:16

Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.

Jon 9:24

E tigi ke gute ka oglou bitna evin blang e tiwai ke iye langane. “Amwai lokono ke Ida Tapolngon bitna ma amwai lokono ke imi. Imeile gute are gute epmes ina.”

Jon 9:30

E gute koli wai ke isak langane. “Ua. Ngadigrik va. Kesua umeile gute are ila omur batne kovok e dau iye due omtongu polou itau.

Aposel 22:22

Osep Yuda ina tiklingen Pol ila pelengon la lama iye wai langare deka lokono aitno lisak nevlik amnga lokono e tiwai omba langane. “Umemke gute are ma iye mete. Gute langare iye karanga dong kap itosep kovok e ma iye mete vala.”

Aposel 26:22

Oglou me iding ke eknikane Ida Tapolngon lua ngong e ngadong itau. Deka ngapolou ngavri ane ke umu ka angainmu omba e umu ka angainmu daudeng boto omtomu e ngapalongo lumu ine. Eknikane ngawai ke elio ka oglou kodong osep napaprangan ina e Moses tiwai ma polou.

Aposel 7:35

“Moses ka Ida Tapolngon wai ke iye io iye gute ka oglou ari osep Israel ina tipli iye e tiwai ke iye langane. ‘Sei rere wom ommgo ke imi e amwade imi?’ Moses iye gute ka Ida Tapolngon pagei ke osep Israel ina ma iye plau isak e lua isak. Ari ensel gesa polou ke iye ke akai daudeng ka marak dong ine e palongo ila ke ila bokongon.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.