Jon 9:22 - Aria New Testament

²² E tna e timla tiwai langane kesua tilim ke osep Yuda ina. Kesua osep Yuda ina tiwai pulu kodong langka gute gesa wai Yesus iye gute Krais ka Ida Tapolngon rere ma iye lua osep ke urok elio epmes ina ma tisapir iye ke urok duningen ina ninu ma iye karanga la ke duningen blang kovok.

Jon 9:22 ပူးပေါင်းရင်းမြစ်များ

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Jon 1:19

E osep Yuda ina ka tidong ke Jerusalem tipagei osep loulou ina leklou e osep Livai ina leklou isak kla ke Jon ma tiwai ke iye ma tile iye gute ka lange. E Jon ila pelengon ane.

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Jon 19:38

Wan tonari polou deka mase Josep ka Arimatea ina polou ke Pailat bitna e pmi iye ma iye due e yas Yesus pampamu ine. E Josep tonari iye Yesus ila disaipel gesa e dau iye bisi ine kesua iye ulou tarna ke osep Yuda ina. Deka Pailat wai iye karanga due Yesus pampamu ine e iye la due.

Jon 20:19

Epmes polou ke oklou tonari ka Sande e Yesus ila disaipel tidiva ekreng bitna ke ninu ka tidong ine. Tidiva ekreng bitna kesua tiulou tarna lisak ke osep Yuda ina. E Yesus polou e vri airavu ke isak e wai ke isak langane. “Aitno lumu dong epen.”

Jon 7:13

E dau gute kene wai malak ke Yesus kovok kesua tilim ke osep kaunsil ina.

Jon 9:18

E dau osep Yuda ina aitno lisak dagar kovok langka oglou gute tonari bitna evin e oku ane iye karanga vati omur. Deka tigi gute tna e timla ma time.

Jon 9:21

E imeile batne lange oku ane iye karanga vati omur koke sei due bitna polou itau kovok. Umepmi iye ine kesua iye ngongle kodong e iye karanga wai iye tona ila pelengon.”

Jon 9:34

Deka osep Farisi ina tikoli tiwai langane. “Aiya divir wom ke elio epmes ina e lila me ke eknikane wom dau omdong ine. E oku ane amwaiki amparere imi i?” Deka tisapir iye ke urok duningen ina ninu.

Jon 9:35

Yesus klingen osep Yuda ina tisapir gute tonari ke duningen ina ninu deka iye la pado iye e wai ke iye langane. “Ate. Aitno lugom dagar ke Gute Ka Polou Langka Osep?”

Aposel 4:18

Deka tigi Pita orwo Jon langane. “Umesep umomo.” Tisep ke ninu deka osep tikar pelengon dagar ke isak langane. “Umoklingen limem pelengon. Eknikane umanapapra osep ke Yesus sakam. Elio ane yagos.”

Aposel 5:13

Osep ka pula keniye tidue anit ke Ida Tapolngon ila osep dau osep epmes ina leklou tiulou tarna lisak e tineklep ke osep ka oglou aitno lisak dagar ke Yesus kodong kovok. Ari osep arang e apmang pula tisongon urok elio epmes ina deka aitno lisak la dagar ke Yesus e tineklep ke osep ka oglou aitno lisak dagar ke Yesus e inarak sasa res polou pula.

Aposel 5:40

Osep tiklingen Gamaliel ila pelengon e tididie. Deka tigi osep aposel ma tipolou ke amtarsak blang. Deka tiules isak e tidangdang isak lama tinapapra osep ke Yesus ila omon itau blang deka tisongon isak kla.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”