Jon 9:16 - Aria New Testament

¹⁶ Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.

Jon 9:16 ပူးပေါင်းရင်းမြစ်များ

Matyu 12:10

Ke ninu tonari gute dong ka limla mete e osep leklou tidong ka tiwaiki tisin elio soulu vri ke Yesus. Deka tipmi iye langane. “Langka gute due gute silang ka paia polou itau blang ke oklou sabat are elio itau koke aurou?”

Matyu 12:2

Osep Farisi ina leklou tivati elio ane e tiwai ke Yesus langane. “Ina lange lem disaipel tivu wit otna ke oklou sabat? Imadangdang osep tiboko ke oklou sabat.”

Luk 13:14

E gute ka plau duningen ina ninu aitno nevlik amnga kesua Yesus due apmang polou itau ke oklou sabat. Deka iye wai ke osep ka tidong are langane. “Umakaranga umoboko ke oklou lumakene. E umomo ma gute due lumu paiangan yagos ke oklou tonari. E umodue elio langane ke oklou sabat sakam.”

Jon 10:19

Osep Yuda ina tiklingen Yesus ila pelengon ane deka tipara pelengon pulu e tidardar ine.

Jon 14:11

Aitno lumu dagar ke pelengon ane. Ngadong kap Livou e iye dong kap ngong. E langka aitno lumu dagar ke lou pelengon ane kovok io aitno lumu dagar ke elio bitna bitna ka ngadue.”

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 2:11

Elio ane elio arit ina ka nisngen mgongon ina ka Yesus due. Iye due ke Kena ka dong ke omur Galili. Ke elio ane iye nis osep iye gute ka itau lokono e ila arit ombatno. E ila disaipel aitno lisak la dagar ke iye.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 5:10

E osep Yuda ina leklou tivati gute tonari e tiwai ke iye langane. “Eknikane oklou sabat e langka amkalke lem omoi oku ane amdar udo pelengon dagar.”

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 6:52

Yesus wai langane deka osep Yuda ina tituk orsak pulu ke ila pelengon langane. “Lange ka gute are karanga kar pampamu ine ke ite ma itangene?”

Jon 7:12

E osep pula pula tinekeskes pulu ke Yesus. Osep leklou tiwai langane. “Iye gute itau.” E osep leklou blang tiwai langane. “Aurou. Iye yak osep.”

Jon 7:23

E langka umoulang keke arang otne ke oklou sabat ma umadar Moses ila sogongon kovok ina lange aitno lumu engil ke ngong alo ka ngadue gute pampamu ine keniye polou itau ke oklou sabat?

Jon 7:43

E osep leklou aitno lisak itau ke Yesus e osep leklou aitno lisak soulu ke Yesus.

Jon 9:24

E tigi ke gute ka oglou bitna evin blang e tiwai ke iye langane. “Amwai lokono ke Ida Tapolngon bitna ma amwai lokono ke imi. Imeile gute are gute epmes ina.”

Aposel 14:4

E osep pula ka tidong ke armok aitno lisak orwo ke isak. Osep leklou aitno lisak kene ke osep aposel e osep leklou aitno lisak kene ke osep Yuda ina.