Jon 8:55 - Aria New Testament

⁵⁵ Lama umeile iye kovok ngong ngaile iye. Langka ngawai ngaile iye kovok ngong gute yakngan ina langka umu. E ngaile iye e ngadidi iye e ngaini ila pelengon.

Jon 8:55 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 10:15

Ane eriar langka Livou ile ngong e ngaile Livou. E ngapli tarna lungong e ngamete ma ngaplau lou sipsip itau.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Jon 15:21

E ma tidue agegeng ke umu batne umu lou osep e tile omur ke Livou ka pagei ngong ngame kovok.”

Jon 16:3

E ma tidue langane batne langane. Oglou tile Livou kovok e tile ngong kovok blang.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 6:46

“E dau gute kene gesa vati Livou kovok. Aurou. Gute ka dong kap Ida Tapolngon e duru me ke taklak iye kene vala vati Livou.

Jon 8:19

Deka osep tonari tipmi Yesus langane. “Abo dong ge?” E Yesus koli wai ke isak langane. “Umeile ngong koke Livou kovok. Langka umeile ngong deka ma umeile Livou blang.”

Jon 8:29

E gute ka pagei ngong ngame dong kap ngong e songon ngong ngadong ngong kenngong vala kovok. Aurou. Iye dong kap ngong kesua aling aling ngadue elio ka due aitno itau ine.”

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Aposel 17:23

Alo ka ngalila ke armok ane ngavati sapingen bitna bitna ka umolotuim isak. E silang blang ngavati bota gesa ka umodue elio opmu ina ine. E ke bota tonari sogongon gesa dong ka wai langane. ‘Bota ane tapolngon gesa ka ite dau iteile ine kovok ila wan.’ Umoklingen. Tapolngon are ka umeile omur ine kovok e umolotuim eknikane ma nganapapra ke umu ine.”

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

1 Jon 1:6

Langka itawai aitno lite kene pulu kap iye e dau itodue elio epmes ina bitna bitna deka itayak e itedidi pelengon ka lokono kovok.

1 Jon 2:22

Gute ka yakngan ina iye gute sei? Iye gute ka wai langane. “Yesus iye gute Krais ka Ida Tapolngon rere ma iye lua osep kovok.” Gute ka wai langane iye Krais ina oul kene ina e iye pul dogur ke Pmada e Ida Tapolngon Otno Arang.

1 Jon 2:4

Langka gute gesa wai langane. “Ngaile iye.” E dau iye ini ila pelengon dagar kovok iye gute yakngan ina e pelengon ka lokono dong ke iye kovok.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

Pelengon kukwopngon 3:9

Umeile kodong langane. Osep ka Satan ila osua tiwai isak osep Yuda ina. E isak osep Yuda ina kovok. Isak osep yakngan ina vala. Deka umoklingen. Ma ngadue osep tonari ma time tigrum kamsak ke omtomu ma tile langane. Ngong lana ngong ke umu.