Jon 8:51 - Aria New Testament

⁵¹ Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:51 ပူးပေါင်းရင်းမြစ်များ

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Luk 2:26

E Ano Itau nis iye ma iye mete kovok la lama iye vati gute ka Ida Puda rere Krais ka ma lua osep ke urok elio epmes ina.

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Jon 17:6

“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 6:50

E bret ka duru me ke omur heven langane. Langka gute ngen bret are ma iye mete kovok.

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Jon 8:55

Lama umeile iye kovok ngong ngaile iye. Langka ngawai ngaile iye kovok ngong gute yakngan ina langka umu. E ngaile iye e ngadidi iye e ngaini ila pelengon.

Hibru 11:5

Enok aitno dagar ke Ida Tapolngon deka Ida Tapolngon due la ke omur heven e iye mete kovok. Ari osep tikaranga tipado iye kovok kesua Ida Tapolngon due tito la ke omur heven kodong. Ida Tapolngon ila pelengon wai langane. Alo ka Enok dau dong ke taklak Ida Tapolngon aitno itau ke iye.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.