Jon 8:48 - Aria New Testament

⁴⁸ Deka osep Yuda ina tonari tiwai ke Yesus langane. “Imawai wom gute Samaria ina e angelo soulu dong ke wom. Lange? Limem pelengon lokono koke aurou?”

Jon 8:48 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 10:5

Yesus pagei aposel songotno orwo tonari e wai ke isak langane. “Umala e umodong mawa ke osep ka isak osep Yuda ina kovok. E umesep ke osep Samaria ina urok armok kovok.

Matyu 11:18

Kesua Jon ka paunim osep me e ngen pula kovok e inim aki wain kovok e osep tiwai angelo soulu dong ke iye.

Matyu 12:24

E alo ka osep Farisi ina tiklingen pelengon tonari tiwai langane. “Iye sapir angelo soulu ke Belsebul ka plau angelo soulu ila arit.”

Matyu 12:31

E ngawai ke umu langane. Langka gute gesa due elio epmes ina gesa koke iye wai pelengon soulu io Ida Tapolngon karanga sak ila elio tonari. E langka iye wai pelengon soulu ke Ano Itau Ida Tapolngon ma sak ila elio langare kovok.

Matyu 15:7

Umu osep ka aitno lumu orwo. Gute Aisaia napapra lokono ke umu langane.

Jon 1:19

E osep Yuda ina ka tidong ke Jerusalem tipagei osep loulou ina leklou e osep Livai ina leklou isak kla ke Jon ma tiwai ke iye ma tile iye gute ka lange. E Jon ila pelengon ane.

Jon 10:20

Isak pula tiwai langane. “Angelo soulu dong ke iye e due manga manga. Ina lange umoklingen ila pelengon?”

Jon 13:13

Umesir ngong lumu gute parerengen ina e Upu Puda e umawai lokono alo ka umawai pelengon tonari kesua ngong lumu gute parerengen ina e Upu Puda.

Jon 4:9

Deka apmang Samaria ina wai ke iye langane. “Wom gute Yuda ina e ngong apmang Samaria ina deka ina lange empmi ngong ma ngakar aki gesa ke wom?” Iye wai langane kesua osep Yuda ina e osep Samaria ina tidue wan kene pulu kovok.

Jon 7:20

E osep tikoli tiwai langane. “Ua angelo soulu dong ke wom. Osep seisei tiwaiki tidue burwa ke wom?”

Jon 8:22

Deka osep Yuda ina tiwai pulu langane. “Ina lange iye wai langane? ‘Umakaranga umala ke omur ka ngala ine kovok.’ Lange? Ma iye due burwa ke iye tona?”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Pas ka Pol sogoe uti la ke osep Rom ina 15:3

Iteile Krais aitno vri ke iye vala kovok. Aurou. Ida Tapolngon ila pelengon wai langane ine. “Krais wai ke Ida Tapol-ngon langane. ‘Osep ka tiwai soulu ke wom ma urok pelengon soulu vri ke ngong blang.’”

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

Jems 2:19

Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.