Jon 8:46 - Aria New Testament

⁴⁶ Gute dong ke umu ka karanga wai iye tona vati ngong ngadue elio epmes ina gesa koke aurou? Aurou. Langka ngawai pelengon lokono ina lange aitno lumu dagar ke lou pelengon kovok?

Jon 8:46 ပူးပေါင်းရင်းမြစ်များ

Matyu 21:25

Lou pmingen langane. Gute Jon didi sei aitno deka iye paunim osep? Iye didi Ida Tapolngon aitno koke iye didi osep aitno lisak?” Deka timter pelengon pulu langane. “Langka itawai ‘iye didi Ida Tapolngon aitno’ iye ma pmi ite langane. ‘Ina lange aitno lumu la dagar ke iye kovok?’

Mak 11:31

Osep tonari tiklingen Yesus ila pmingen deka timter pelengon pulu ma tikoli ila pelengon ke pelengon lange. E tiwai pulu langane. “Langka itawai Jon ila bokongon didi Ida Tapolngon aitno ma iye wai ke ite langane. ‘Ina lange aitno lumu la dagar ke ila pelengon kovok?’

Jon 14:30

Ma ngawai ke umu dau tauni kovok kesua Satan ka plau osep ka pula keniye ke taklak me. E iye karanga mole ngong kovok.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Jon 16:8

E alo ka iye me ma iye nis osep taklak ina malak ke urok elio epmes ina e ke elio ka osuk e itau e ke elio ka Ida Tapolngon wade osep.

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 8:47

Osep ka isak Ida Tapolngon ila osep tiklingen ila pelengon. E umoklingen ila pelengon kovok kesua umu ila osep kovok.”

Jon 8:7

Isak dau tivri e tipmi iye ine deka iye tito e koli wai ke isak langane. “Gute gesa ke umu ka oglou due elio epmes ina kovok ma iye mgo e uri opmu ke apmang ane.”

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.

Hibru 7:26

Yesus iye udo gute loulou ina ka karanga lua ite ke udo elio isuk isuk keniye. Iye due elio itau vala e elio soulu gesa vri ke iye kovok. E Ida Tapolngon vati iye dong itau lokono vala. Ida Tapolngon due tito la ke omur heven e iye dong mawa ke osep epmes ina.

1 Pita 2:22

Iye due elio epmes ina gesa kovok e iye wai pelengon yakngan kovok.