Jon 8:44 - Aria New Testament

⁴⁴ Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Jon 8:44 ပူးပေါင်းရင်းမြစ်များ

Matyu 12:34

Umu langka mota ka soulu. E ina lange umu ka soulu umakaranga umawai pelengon itau? Lumu pelengon nis osep ke wan ka dong ke aitno lumu.

Matyu 13:15

Kesua osep aitno lisak tikaranga timter itau kovok e talsak tiklingen isuk boto vala e tikading amtarsak. Lama amtarsak tivati wan e talsak tiklingen wan e aitno lisak timter itau e tiding ke ngong ka Inarak Tapolngon e ngadue isak tidong itau.’”

Matyu 13:38

Yage iye taklak ka pula keniye e londo itau isak osep ke omur ka Ida Tapolngon plaue e londo sasi isak Satan ila osep.

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Jon 8:38

Ngawai ke wan ka Livou nis ngong ine e umodue wan ka umoklingen ke pmomu.”

Jon 8:41

Umodue elio bitna bitna ka pmomu due.” Deka tiwai ke Yesus langane. “Imi somolong kovok. Aurou. Pmemi iye kene vala. Iye Ida Tapolngon.”

Jon 8:55

Lama umeile iye kovok ngong ngaile iye. Langka ngawai ngaile iye kovok ngong gute yakngan ina langka umu. E ngaile iye e ngadidi iye e ngaini ila pelengon.

Aposel 13:10

“Wom Satan otno arang wom. Elio itau ina oul wom. Lem elio keniye yakngan. Eknikane oklou aling aling amwaiki Ida Puda ila elio osuk polou kolok.

Aposel 24:9

Tertulus wai langane e osep Yuda ina tinobru tiwai langane. “Pelengon ane lokono lokono.”

Aposel 5:3

Deka Pita wai langane. “Ananaias ina lange Satan due aitno lugom deka amwaiki amyak Ano Itau ke mani ane? Ina lange omtuk taklak ina mani leklou deka embisi ine?

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

2 Pita 2:4

Oglou oglou ari Ida Tapol-ngon ila ensel leklou tidue elio epmes ina deka iye songon isak tidong vala kovok. Aurou. Iye uri isak kla ke omur hel e tidong ke omur ka aivoro langka tidong ke kalabus e tipara ke oklou ka Ida Tapolngon ma wade isak ke urok elio epmes ina.

1 Jon 1:8

Langka itawai elio epmes ina dong ke ite kovok deka itayak ite tona e pelengon ka lokono dong ke ite kovok.

1 Jon 2:21

Ngasogo pelengon ane ke umu kovok kesua aitno lungong mter langka umeile pelengon ka lokono kovok. Aurou. Ngosogoe kesua umeile pelengon ka lokono kodong e umeile pelengon ka yakngan karanga polou ke pelengon ka lokono kovok.

1 Jon 2:4

Langka gute gesa wai langane. “Ngaile iye.” E dau iye ini ila pelengon dagar kovok iye gute yakngan ina e pelengon ka lokono dong ke iye kovok.

1 Jon 3:12

E itodue elio langka oglou gute Kein ka iye Satan ila gute due kovok. Ke oglou Kein due burwa ke ina aiver. Ina lange Kein due burwa ke ina aiver? Iye due burwa ke iye batne langane. Ina aiver ila elio itau e osuk e Kein ila elio soulu.

1 Jon 3:15

Gute gesa ka aitno soulu e engil ke iye sisrok iye langka gute ka due burwa. E umeile gute ka due burwa ke gute silang iye due mosongon ka dong vala dong kovok.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.

Pelengon kukwopngon 9:11

Inarak plaungan kene dong mgo ke isak. Inarak plaungan tonari iye ensel ka plau ovuk ka duru la moli lokono. Ke pelengon Hibru tisir ensel tonari angaine Abadon. E ke pelengon Grik tisir iye Apolion ka lana ine langane. Gute ka due agegeng ke wan.