Jon 8:2 - Aria New Testament

² E oklou silang alo ka oklou tito iye la ke omur ka lelei Ida Tapolngon ila ninu e osep pula pula tiduni pulu lelei iye deka iye dong e parere isak.

Jon 8:2 ပူးပေါင်းရင်းမြစ်များ

Matyu 26:55

Deka Yesus wai ke osep pula are langane. “Ina lange umomo e umakalke elil omba e akai ma umodue ngong langka ngong gute panakongon ina ka soulu? Oklou kene kene ngadong ke omur ka lelei Ida Tapolngon ila ninu e ngaparere umu e umekis ngong are kovok.

Luk 21:37

Ke oklou kene kene Yesus parere osep ke omur ka lelei Ida Tapolngon ila ninu e ke epmes kene kene iye la dong ke ninu ka dong ke gigri Oliv.

Luk 21:38

E oklou kene kene osep pula pula titipa ke kotkotu lokono e isak kla ke Ida Tapolngon ila ninu ma tiklingen Yesus ila pelengon.

Luk 4:20

Yesus ritim yagos deka iye diva buk e kare ke gute ka plau buk ke duningen ina ninu deka duru dong. E osep ka pula keniye ka tidong ke ninu amtarsak nekek ke Yesus.

Luk 5:3

Deka iye sep ke bot kene. Bot tonari gute Saimon ila bot e iye wai ke Saimon ma bot songon aki ina dingen batne sasi boto. Deka iye duru dong ke bot e parere osep.

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 8:20

Yesus wai pelengon ane alo ka iye parere osep ke Ida Tapolngon ila ninu olwo boto ke omur ka karoro dong ka osep tiuri urok mani ine. Mani tonari mani ka tiwaiki la ke Ida Tapolngon. E gute kene kis iye kovok kesua taim ka osep tikis iye polou dau kovok.

Jon 8:3

E osep ka tile itau ke Moses ila sogongon e osep Farisi ina tipaur apmang kene ka tidue alo ka iye due elio okwa. E tidue apmang vri ke osep amtarsak.

Aposel 5:21

Kotkotu lokono polou deka osep aposel kla ke Ida Tapolngon ila ninu e tisep ke omur ka lelei ninu deka tinapapra osep ka tidong ine ke Yesus ila omon itau eriar langka ensel wai ke isak ine. Alo ari gute loulou ina ka mgo gosok sisrok tiduni pulu kap osep kaunsil ina e osep Yuda ina urok osep ngongle. Deka tipagei osep ka tiplau Ida Tapolngon ila ninu ke kalabus ma tidue osep aposel e tipaur isak tipolou ke amtarsak.