Jon 8:12 - Aria New Testament

¹² E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Jon 8:12 ပူးပေါင်းရင်းမြစ်များ

Matyu 5:14

E umu langka bublongon ke osep taklak ina. Osep tikaranga tikukwop armok ka dong ke gigri kovok.

Luk 2:32

Ma iye due bublongon bublo ke osep ka isak osep Yuda ina kovok e ma osep tidue anit ke lem osep Israel ina.”

Jon 12:35

Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok.

Jon 12:36

Alo ka bublongon dau dong kap umu aitno lumu la dagar ine ma umopolou osep ka tidong ke bublongon.” Alo ka Yesus wai yagos iye songon isak e la kukwop iye ke isak.

Jon 12:46

Ngame ke taklak ma ngadong langka bublongon ma gute ka aitno dagar ke ngong dong ke aivoro kovok.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 3:19

Elio ka Ida Tapolngon wade osep batne langane. Ida Tapolngon ila bublongon polou ke osep kodong e dau aitno lisak itau ke bublongon tonari kovok. Aurou. Aitno lisak itau ke aivoro kesua urok elio soulu lokono.

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Jon 9:5

Alo ka ngadong ke taklak ane ngadong langka bublongon ke osep ka tidong ke taklak.”

Aposel 13:47

Ipem Puda kar imi pelengon langane. ‘Ngarere umu ma umodong langka bublongon ke osep ka isak osep Yuda ina kovok. Deka ma umolua osep ka tidong ke omur omur ma Ida Tapolngon lua isak ke urok elio epmes ina.’”

Aposel 26:23

Oglou tiwai osep ma tidue burwa ke gute ka Ida Tapolngon rere Krais ka iye lua osep ke urok elio epmes ina. E ma iye mgo ke osep keniye ka tipoga titito ke inarak denga. Deka ma iye napapra ke osep Yuda ina e ke osep ka isak osep Yuda ina kovok ke elio ka iye lua osep ke urok elio epmes ina. E elio ane langka bublongon ke isak.”

2 Pita 2:17

Osep parerengen yakgan ina isak langka ovuk ka aki polou adai ke taklak ine ka aki dong ine kovok koke isak langka gaup ka engen dagar ipu isak kla. Ida Tapolngon rere omur ka aivoro lokono ke isak.

2 Pita 2:4

Oglou oglou ari Ida Tapol-ngon ila ensel leklou tidue elio epmes ina deka iye songon isak tidong vala kovok. Aurou. Iye uri isak kla ke omur hel e tidong ke omur ka aivoro langka tidong ke kalabus e tipara ke oklou ka Ida Tapolngon ma wade isak ke urok elio epmes ina.

1 Jon 1:6

Langka itawai aitno lite kene pulu kap iye e dau itodue elio epmes ina bitna bitna deka itayak e itedidi pelengon ka lokono kovok.

Pas ka Jut sogoe 1:13

E isak langka misuon ina boitini ka omba. Tidue elio soulu e isak mnak isak ke urok elio kovok. E isak langka misuon ina boitini omba ka nokul nokul e buswok polou. E silang blang isak langka gigimo ka kla ulik ulik ke sirva. Deka Ida Tapolngon rere isak ma tidong ke omur ka aivoro lokono dong vala dong.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.

Pelengon kukwopngon 21:24

Osep ke omur ka pula keniye ke taklak ma tidong ke armok tonari ila bublongon e osep ka tivri mgo ke omur ka pula keniye ke taklak ma tidue urok wan bitna bitna ka itau e tikalke la ke armok tonari.