Jon 8:11 - Aria New Testament

¹¹ E iye koli wai langane. “Puda. Gute kene mulu ngong kovok.” Deka Yesus wai ke iye langane. “E ngong blang ngamulu wom kovok. Amla e omdue elio epmes ina blang kovok.”

Jon 8:11 ပူးပေါင်းရင်းမြစ်များ

Luk 13:3

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.

Luk 13:5

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.”

Luk 15:10

Ngawai ke umu langane. Eriar langane Ida Tapolngon ila ensel ma tiketir alo ka gute epmes ina kene bauluk aitno.”

Luk 15:32

E eknikane ngap aiver ka langka iye mete dong blang e iye langka imina e oku ane itapado iye blang. E ke batne langane wan ka itau itodue rogo e aitno lite neser.’”

Luk 15:7

Ngawai ke umu langane. Elio eriar langane polou ke omur heven blang. Osep ke omur heven tiketir ke gute epmes ina kene ka bauluk aitno e urok ketirngen mole ketirngen ke osep 99 ka aitno lisak mter langka tidong itau e osuk ke Ida Tapolngon bitna kodong e urok elio epmes ina pes isak kovok.”

Luk 5:32

Ngame ma ngagi osep ka tidong itau e osuk ke Ida Tapolngon bitna kovok. Aurou. Ngame ma ngagi osep epmes ina ma tibauluk aitno lisak ke urok elio epmes ina.”

Luk 9:56

Deka isak kla ke armok silang.

Jon 18:36

E Yesus koli wai langane. “Omur ka ngavri mgo ine dong ke taklak ane kovok. Langka omur ka ngavri mgo ine dong ke taklak deka lou osep ma tidue evlei ma osep tikar ngong ke osep Yuda ina kovok. E omur ka ngavri mgo ine dong ke taklak ane kovok.”

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 5:14

Mase Yesus vati gute tonari ke omur ka lelei Ida Tapolngon ila ninu e wai ke iye langane. “Ompolou itau kodong e oku ane omdue elio epmes ina blang kovok lama elio soulu polou ke wom ka mole elio ka oglou polou ke wom.”

Jon 8:15

Umedidi osep aitno lisak e umawade osep ine e ngawade gute kene kovok.

Pas ka Pol sogoe uti la ke osep Rom ina 2:4

Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.

1 Korin 5:12

Lange? Lou bokongon ma ngawade osep ka tidong ke dogur urok elio? Aurou va. Bokongon ka osep tiwade Yesus ila osep urok elio ane lumu bokongon lokono.

2 Pita 3:15

E aitno lumu mter ke elio ka Ida Puda aitno omba ke umu e iye dong para ke umu. Iye due langane ma osep aitno lisak la dagar ke iye e iye lua isak ke urok elio epmes ina. E Ida Tapolngon kar ilengen ke ida tovro Pol ka ngong lana ngong ke iye deka iye sogo ine ke umu blang.