Jon 7:7 - Aria New Testament

⁷ Osep taklak ina aitno lisak engil ke umu kovok e aitno lisak engil ke ngong kesua ngawai malak ke isak ke urok elio soulu ka tidue.

Jon 7:7 ပူးပေါင်းရင်းမြစ်များ

Luk 6:26

Aisudo ke umu alo ka osep ka pula keniye tikakai angainmu kesua oglou ari urok seia tidue elio langane ke osep napaprangan yakngan ina.”

Jon 17:14

“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.

Jon 3:19

Elio ka Ida Tapolngon wade osep batne langane. Ida Tapolngon ila bublongon polou ke osep kodong e dau aitno lisak itau ke bublongon tonari kovok. Aurou. Aitno lisak itau ke aivoro kesua urok elio soulu lokono.

Pas ka Pol sogoe uti la ke osep Rom ina 8:7

E osep ka elio epmes ina plau isak vala isak Ida Tapolngon ina oul. Kesua tidar ila pelengon e tididi aitno lisak vala. Osep ka langane tidar ila pelengon vala e tikaranga tididie kovok.

Galesia 4:16

Ina lange? Ngawai pelengon lokono ke umu e pelengon tonari due ngong ngapolou langka upu oul?

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Jon 4:5

Osep napaprangan yakngan ina urok poloungon batne ke taklak e tiwai pelengon ka taklak ina deka osep taklak ina tiklingen urok pelengon.