Jon 7:41 - Aria New Testament

⁴¹ E osep leklou tiwai langane. “Gute ane iye gute Krais ka Ida Tapolngon rere ma iye lua osep ke urok elio epmes ina.” E osep leklou blang tiwai langane. “Aurou. Gute Krais ma me ke omur Galili kovok.

Jon 7:41 ပူးပေါင်းရင်းမြစ်များ

Jon 1:41

Ke kotkotu alo ka Andru songon Yesus lokono iye la pado ina aiver Saimon e wai ke iye langane. “Imavati gute ka Mesaia kodong.” Pelengon palma Mesaia lana ine gute ka Ida Tapolngon rere Krais ma iye lua osep ke urok elio epmes ina.

Jon 1:46

E Nataniel koli wai langane. “Wan itau karanga polou ke Nasaret koke aurou?” E Filip wai langane. “Omo e amvati iye.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 4:25

Deka apmang wai ke iye langane. “Ngaile Mesaia ka Krais ka iye gute ka Ida Tapolngon rere ma iye lua osep ke urok elio epmes ina ma me e alo ka iye polou ma iye palongo udo malak ke wan bitna bitna keniye.”

Jon 4:29

Iye wai ke isak langane. “Osep umomo e umavati gute ka wai ke ngong ke wan ka pula keniye ka oglou ngadue. Gute ane iye Krais ka Ida Tapolngon rere ma iye lua osep ke urok elio epmes ina koke aurou?”

Jon 4:42

E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Jon 7:27

E dau iteile gute ane ila omur batne e alo ka Krais me ma osep tile ila omur batne kovok.”

Jon 7:31

E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”