Jon 7:39 - Aria New Testament

³⁹ Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Jon 7:39 ပူးပေါင်းရင်းမြစ်များ

Matyu 16:14

E tikoli tiwai langane. “Osep leklou tisir iye Jon ka paunim osep e osep leklou blang tisir iye Elaija e osep leklou blang tisir iye Jeremaia koke tisir iye gute napaprangan ina silang.”

Matyu 21:11

E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”

Luk 24:49

Umoklingen. Oglou Livou wai promis ma iye pagei Ano Itau duru ke umu e isuk boto ma ngapagei iye ke umu. E umodong ke armok ane la lama umodue Ida Tapolngon ila arit.”

Luk 3:16

E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou.

Luk 7:16

E osep keniye tiulou tarna lisak e tikakai Ida Tapolngon angaine tito e tiwai langane. “Gute napaprangan ina ka angaine omba polou airavu ke ite.” E tiwai silang blang langane. “Ida Tapolngon me ma iye lua ila osep kodong.”

Jon 1:21

Deka tipmi iye langane. “Deka lange? Wom gute Elaija koke aurou?” E Jon koli wai ke isak langane. “Aurou. Ngong Elaija kovok.” Deka tipmi iye blang langane. “Wom gute napaprangan ina ka itapara ke iye koke aurou?” E Jon koli wai ke isak langane. “Aurou. Ngong gute napaprangan ina tonari kovok.”

Jon 1:25

E tipmi iye langane. “Langka wom gute Krais koke gute Elaija koke gute napaprangan ina ka itapara ke iye kovok ina lange ampaunim osep?”

Jon 1:33

E dau ngaile ke iye kovok e Ida Tapolngon ka pagei ngong ngapaunim osep ke aki wai ke ngong langane. ‘Alo ka amvati Ano Itau duru dong ke gute kene ma emile iye gute ka paunim osep ke Ano Itau.’

Jon 12:16

E alo ari Yesus ila disaipel tile itau ke wan ka polou ke iye kovok. E mase alo ka Ida Tapolngon due Yesus poga tito ke ina denga e due dong itau lokono kap iye deka aitno lisak mter itau ke Ida Tapolngon ila pelengon tonari lana ine ka la ke Yesus. E amtarsak sisir wan ka osep tidue ke iye.

Jon 12:23

E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong.

Jon 14:13

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 14:26

E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 16:14

Iye ma due lou pelengon e wai ine ke umu e ke elio langane ma iye nis umu ke lou elio ka itau lokono.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 17:1

Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang.

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 20:22

Yesus wai langane yagos deka iye ipu ene omung ine ke isak e wai langane. “Umodue Ano Itau.

Jon 6:14

Osep are tivati elio arit ina ka nisngen ka Yesus due e tiwai pulu langane. “Lokono. Gute ane gute napaprangan ina ka oglou Moses wai ma iye me ke taklak.”

Jon 7:12

E osep pula pula tinekeskes pulu ke Yesus. Osep leklou tiwai langane. “Iye gute itau.” E osep leklou blang tiwai langane. “Aurou. Iye yak osep.”

Jon 8:54

E Yesus koli wai ke isak langane. “Langka ngong tona ngakakai angain ngong deka angain ngong omba kovok. E ngadue langane kovok. Livou ka umawai iye Upu Tapolngon kakai angain ngong tito la egim.

Aposel 19:2

Deka iye pmi isak langane. “Oglou alo ka aitno lumu la dagar ke Yesus Ano Itau duru sep ke aitno lumu koke aurou?” Deka tikoli tiwai langane. “Aurou. Oglou imeklingen ke Ano Itau kovok e imeile ine kovok.”

Aposel 2:17

Iye sogo langane. ‘Ida Tapolngon wai mase dau tauni deka alo ka pula ane ina yagosngon ma polou. Deka ma ngapagei Anngong duru sep ke osep pula aitno lisak deka ma iye due lumu napakngan ka arang e apmang aitno lisak deka ma tiwai ke elio bitna bitna ma tipolou. Deka ma lumu napakngan ka auram e ka arang ka namormor ma timunu ansak e tivati ansak.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 2:4

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

2 Korin 3:8

E lama langane Ano Itau ila bublongon ma mole bublongon tonari e Ida Tapolngon ila bublongon bublo ombatno lokono.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.