Jon 7:35 - Aria New Testament

³⁵ Deka osep kaunsil ina tiwai pulu langane. “Gute ane waiki la ke omur ge ma itakaranga itapado iye kovok? Ma iye la ke udo osua ka tidong ke omur Grik e parere osep Grik ina?

Jon 7:35 ပူးပေါင်းရင်းမြစ်များ

Matyu 12:21

E osep ka pula keniye ma tipara ke iye ma iye lua isak.”

Luk 2:32

Ma iye due bublongon bublo ke osep ka isak osep Yuda ina kovok e ma osep tidue anit ke lem osep Israel ina.”

Jon 12:20

E osep Grik ina leklou time ke Jerusalem kap osep leklou ma tilotuim Ida Tapolngon ke rogo omba.

Jon 7:1

Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Jon 8:22

Deka osep Yuda ina tiwai pulu langane. “Ina lange iye wai langane? ‘Umakaranga umala ke omur ka ngala ine kovok.’ Lange? Ma iye due burwa ke iye tona?”

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 14:1

Pol orwo Barnabas tidong ke Aikoniam e tisep ke osep Yuda ina urok duningen ina ninu e tiwai pula kap osep ka tidong ine. Deka urok pelengon mter osep tonari aitno lisak. E osep Yuda ina pula e osep pula ka tiwai pelengon Grik aitno lisak la dagar ke urok pelengon.

Aposel 17:4

Osep Yuda ina leklou aitno lisak la dagar ke Pol ila pelengon e tineklep ke Pol orwo Sailas. E osep Grik ina ka tidue anit ke Ida Tapolngon tineklep ke isak blang. E apmang leklou ka angainsak omba tineklep ke isak blang.

Aposel 18:4

Ari sabat kene kene Pol la sep ke osep Yuda ina urok duningen ina ninu e wai kap osep. Iye wai pula ke Ida Tapolngon ila pelengon kesua iye waiki osep Yuda ina e osep Grik ina ka tiklingen ila pelengon aitno lisak la dagar ine.

Aposel 21:21

Osep tonari aitno lisak kro kesua tiklingen omon gesa ka la ke lem parerengen. Tiklingen omon amparere osep Yuda ina ka tidong kap osep ka isak osep Yuda ina kovok amwaiki ma tididi Moses ila sogongon kovok. Tiwai amwai langane. ‘Umedidi elio ulangngan ina ke titopmu kovok e umedidi ite osep Yuda ina udo apu kovok.’

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:11

Ida Tapolngon rere ngong ila aposel gesa ma nganapapra ila omon itau e ngaparere osep ine.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.