Jon 7:31 - Aria New Testament

³¹ E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Jon 7:31 ပူးပေါင်းရင်းမြစ်များ

Matyu 12:23

E osep pula pula tidigrik e tiwai langane. “Gute ane gute ka osep tisir iye Devit Otno Arang koke aurou?”

Luk 8:13

E londo ka tiduru timunu ke taklak ka isuk boto vala ka napal munu ke opmu tona isak langka osep ka tiklingen omon itau e suong bara lisak due e aitno lisak neser ine. E dau tidong dagar ine kovok kesua isak langka wit erine ka gigitno kovok e aitno lisak dagar sasi boto vala e alo ka tokngon polou ke isak io tisongon aitno lisak ila dagar.

Jon 11:45

Deka osep Yuda ina pula ka time kap Maria tivati elio ka Yesus due e aitno lisak la dagar ke iye.

Jon 12:11

Tiwaiki tidue burwa ke Lasarus blang kesua osep Yuda ina pula aitno lisak mter wan ka Yesus due ke Lasarus e tisongon isak e aitno lisak la dagar ke Yesus.

Jon 12:42

E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu.

Jon 2:11

Elio ane elio arit ina ka nisngen mgongon ina ka Yesus due. Iye due ke Kena ka dong ke omur Galili. Ke elio ane iye nis osep iye gute ka itau lokono e ila arit ombatno. E ila disaipel aitno lisak la dagar ke iye.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 4:29

Iye wai ke isak langane. “Osep umomo e umavati gute ka wai ke ngong ke wan ka pula keniye ka oglou ngadue. Gute ane iye Krais ka Ida Tapolngon rere ma iye lua osep ke urok elio epmes ina koke aurou?”

Jon 4:39

Osep Samaria ina pula ka tidong ke armok are aitno lisak la dagar ke Yesus kesua tiklingen apmang ila pelengon ka langane. “Iye wai ke ngong ke wan ka pula keniye ka oglou ngadue.”

Jon 6:2

E osep pula pula tididi iye kesua tivati elio arit ina ka nisngen ka iye due alo ka iye due osep ka tipaia tipolou itau blang.

Jon 7:26

Umavati. Iye dong ane e wai ke osep pula amtarsak e osep tiwai ke iye kovok. Aitno lumu lange? Osep kaunsil ina aitno lisak mter gute ane gute Krais ka Ida Tapolngon rere ma iye lua osep ke urok elio epmes ina koke aurou?

Jon 9:16

Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.

Aposel 8:13

Saimon aitno dagar ke Filip ila pelengon deka tipaunim iye blang. Tipaunim iye yagos deka iye lila kap Filip e vati elio arit ina bitna bitna ka Filip due e aitno mter pula ine.

Jems 2:26

Iteile langka gute gesa ano la deka pampamu ine mete kodong. E langane ke gute ka wai aitno ila dagar la ke Ida Tapolngon e iye due elio isuk isuk ka didi aitno ila dagar kovok. Iye dong langka gute ka ano la e iye mete kodong.