Jon 7:28 - Aria New Testament

²⁸ E Yesus parere osep ke omur ka lelei Ida Tapolngon ila ninu e wai omba langane. “Ee. Aitno lumu mter umeile ngong e umeile lou omur batne. E ngadong ane kesua ngadidi aitno lungong vala kovok. Aurou. E gute ka pagei ngong ngame ila elio keniye lokono e umeile ke iye kovok.

Jon 7:28 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 2:23

E iye polou ine e dong ke armok Nasaret. Iye dong ke Nasaret ma pelengon ka gute napaprangan ina gesa wai polou lokono. Gute tonari wai langane. “Ma osep tisir iye gute Nasaret ina.”

Matyu 26:55

Deka Yesus wai ke osep pula are langane. “Ina lange umomo e umakalke elil omba e akai ma umodue ngong langka ngong gute panakongon ina ka soulu? Oklou kene kene ngadong ke omur ka lelei Ida Tapolngon ila ninu e ngaparere umu e umekis ngong are kovok.

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Luk 2:39

E alo ka Josep e Maria tidue elio keniye ka Ida Puda ila pelengon dagar wai ine kodong tiding ke urok armok Nasaret ka dong ke omur Galili.

Luk 2:4

E Josep songon ila armok Nasaret ka dong ke omur Galili e la ke Betleham ka Devit ila armok batne ka dong ke omur Judia kesua iye dong ke Devit ila osua.

Luk 2:51

Deka iye la kap isak e tiduru tipolou ke Nasaret e iye meit ke isak. E tna bitna sisir wan keniye tonari e aitno mter ine.

Jon 1:46

E Nataniel koli wai langane. “Wan itau karanga polou ke Nasaret koke aurou?” E Filip wai langane. “Omo e amvati iye.”

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 12:49

Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine.

Jon 14:10

Aitno lugom lange? Aitno lugom dagar ke elio ka ngadong kap Livou e Livou dong kap ngong koke aurou? Ngadidi aitno lungong e ngawai pelengon ke umu kovok. Aurou. Livou ka dong kap ngong didi aitno e due wan ka iye waiki due.

Jon 14:31

E ngadidi Livou aitno e ngadue wan ka iye waiki ngadue ma osep ka taklak ina tile ngong lana ngong ke Livou. Io umetito e itosongon omur ane.”

Jon 16:3

E ma tidue langane batne langane. Oglou tile Livou kovok e tile ngong kovok blang.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 3:33

Gute ka klingen ila pelengon e aitno dagar ke iye ane langka iye wai langane. ‘Ida Tapolngon ila pelengon iye pelengon lokono.’

Jon 5:32

E gute silang palongo lumu ke ngong e ngaile wan ka iye wai ine ke ngong iye pelengon lokono.

Jon 5:43

Ngame e ngadidi Livou aitno e umepli ngong. E langka gute gesa didi iye tona aitno e me ke umu ma umodue e ma aitno lumu itau ke iye.

Jon 6:42

E tiwai langane. “Gute ane Yesus ka Josep otno arang. Iteile timla e tna deka ina lange oku ane iye wai langane? ‘Ngaduru ngame ke omur heven.’”

Jon 7:14

Rogo omba ina oklou leklou yagos e ina oklou leklou dau polou deka Yesus la ke omur ka lelei Ida Tapolngon ila ninu e nogrum parere osep.

Jon 8:14

E Yesus koli wai ke isak langane. “Langka ngong tona vala ngawai ke lou elio dau lou pelengon lokono kesua ngaile lou omur batne ka ngame ine e ngaile omur ma ngala ine. E umu aurou. Umeile lou omur batne ka ngame ine kovok e umeile omur ma ngala ine kovok.

Jon 8:16

E dau langka ngawade osep lou wadengen lokono kesua ngong kenngong vala ngawade isak kovok. E Livou ka pagei ngong ngame dong kap ngong alo ka ngawade osep.

Jon 8:19

Deka osep tonari tipmi Yesus langane. “Abo dong ge?” E Yesus koli wai ke isak langane. “Umeile ngong koke Livou kovok. Langka umeile ngong deka ma umeile Livou blang.”

Jon 8:26

Langka ngawaiki ngawai ke umu ke lumu elio soulu e ngawade umu ine ngakaranga ngadue. E gute ka pagei ngong ngame ila elio keniye lokono e pelengon ka ngaklingen ke iye ngawai ke osep taklak ina.”

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Jon 9:29

Imeile omur oglou Ida Tapolngon wai ke Moses e imeile omur ke gute are kovok.”

Aposel 17:23

Alo ka ngalila ke armok ane ngavati sapingen bitna bitna ka umolotuim isak. E silang blang ngavati bota gesa ka umodue elio opmu ina ine. E ke bota tonari sogongon gesa dong ka wai langane. ‘Bota ane tapolngon gesa ka ite dau iteile ine kovok ila wan.’ Umoklingen. Tapolngon are ka umeile omur ine kovok e umolotuim eknikane ma nganapapra ke umu ine.”

Pas ka Pol sogoe uti la ke osep Rom ina 1:28

­E silang blang langane. Aitno lisak mter langka amtarsak uli Ida Tapolngon ma tidong itau lokono. Deka Ida Tapolngon pul dogur ke isak ma aitno lisak tipolou soulu lokono ma tidue elio bitna bitna ka Ida Tapolngon waiki osep tidue kovok.

Pas ka Pol sogoe uti la ke osep Rom ina 3:4

­Umoklingen. Osep ka pula keniye urok pelengon yakngan vala e Ida Tapolngon ila pelengon keniye lokono vala. Oglou osep napaprangan ina tisogo Ida Tapolngon ila pelengon palma ka wai langane. “Osep ka pula keniye tile omur lem pelengon keniye lokono. Langka osep tisin elio vri ke wom urok pelengon mole lem pelengon kovok. Aurou. Ma tibure vala.”

2 Korin 1:18

Eriar langka Ida Tapolngon wai deka iye didi ila pelengon lou pelengon ke umu segesege kovok.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.