Jon 7:26 - Aria New Testament

²⁶ Umavati. Iye dong ane e wai ke osep pula amtarsak e osep tiwai ke iye kovok. Aitno lumu lange? Osep kaunsil ina aitno lisak mter gute ane gute Krais ka Ida Tapolngon rere ma iye lua osep ke urok elio epmes ina koke aurou?

Jon 7:26 ပူးပေါင်းရင်းမြစ်များ

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Luk 23:13

Deka Pailot gi osep loulou ina ka omba e osep kaunsil ina e osep leklou ma time tiduni pulu ke bitna.

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Jon 12:42

E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu.

Jon 18:20

Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok.

Jon 3:1

Gute kene dong ka angaine Nikodemus. Iye gute namor ke osep Yuda ina e iye gute Farisi ina.

Jon 4:29

Iye wai ke isak langane. “Osep umomo e umavati gute ka wai ke ngong ke wan ka pula keniye ka oglou ngadue. Gute ane iye Krais ka Ida Tapolngon rere ma iye lua osep ke urok elio epmes ina koke aurou?”

Jon 7:25

Deka ari osep Jerusalem ina leklou tiwai langane. “Gute ane gute ka osep tiwaiki tidue burwa ke iye i?

Jon 7:31

E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Jon 7:48

Aitno lumu lange? Gute kene ke imi osep kaunsil ina koke osep Farisi ina aitno limi la dagar ke gute are? Aurou.

Jon 9:22

E tna e timla tiwai langane kesua tilim ke osep Yuda ina. Kesua osep Yuda ina tiwai pulu kodong langka gute gesa wai Yesus iye gute Krais ka Ida Tapolngon rere ma iye lua osep ke urok elio epmes ina ma tisapir iye ke urok duningen ina ninu ma iye karanga la ke duningen blang kovok.

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Filipai 1:14

E sudo leklou pula aitno lisak tipolou dagar lokono ke Ida Puda batne ke lou elio alo ka ngadong ke kalabus. Deka tinapapra Ida Tapolngon ila pelengon e tiulou tarna lisak ine kovok.