Jon 7:14 - Aria New Testament

¹⁴ Rogo omba ina oklou leklou yagos e ina oklou leklou dau polou deka Yesus la ke omur ka lelei Ida Tapolngon ila ninu e nogrum parere osep.

Jon 7:14 ပူးပေါင်းရင်းမြစ်များ

Matyu 21:12

E Yesus sep ke omur ka lelei Ida Tapolngon ila ninu e sapir osep ka tidue burong ine e iye kul bota ke osep ka tibauluk mani ke osep ka time ke kantri leklou e kul kova ke osep ka tidue burong ke belis.

Matyu 26:55

Deka Yesus wai ke osep pula are langane. “Ina lange umomo e umakalke elil omba e akai ma umodue ngong langka ngong gute panakongon ina ka soulu? Oklou kene kene ngadong ke omur ka lelei Ida Tapolngon ila ninu e ngaparere umu e umekis ngong are kovok.

Luk 19:47

E oklou kene kene iye parere osep ke omur ka lelei Ida Tapolngon ila ninu. E osep loulou ina ka omba e osep ka tile itau ke Moses ila sogongon e osep namormor ke osep Yuda ina tiwaiki tidue burwa ke iye.

Jon 18:20

Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok.

Jon 5:14

Mase Yesus vati gute tonari ke omur ka lelei Ida Tapolngon ila ninu e wai ke iye langane. “Ompolou itau kodong e oku ane omdue elio epmes ina blang kovok lama elio soulu polou ke wom ka mole elio ka oglou polou ke wom.”

Jon 7:2

E osep Yuda ina urok rogo omba ka osep tidong ke pengau isuk boto polou.

Jon 7:28

E Yesus parere osep ke omur ka lelei Ida Tapolngon ila ninu e wai omba langane. “Ee. Aitno lumu mter umeile ngong e umeile lou omur batne. E ngadong ane kesua ngadidi aitno lungong vala kovok. Aurou. E gute ka pagei ngong ngame ila elio keniye lokono e umeile ke iye kovok.

Jon 7:37

Oklou ka rogo omba yagos ine iye oklou omba ke rogo tonari. E Yesus vri e wai omba langane. “Langka aki vel gute ma iye me ke ngong e inim.

Jon 8:2

E oklou silang alo ka oklou tito iye la ke omur ka lelei Ida Tapolngon ila ninu e osep pula pula tiduni pulu lelei iye deka iye dong e parere isak.

Jon 8:20

Yesus wai pelengon ane alo ka iye parere osep ke Ida Tapolngon ila ninu olwo boto ke omur ka karoro dong ka osep tiuri urok mani ine. Mani tonari mani ka tiwaiki la ke Ida Tapolngon. E gute kene kis iye kovok kesua taim ka osep tikis iye polou dau kovok.