Jon 7:1 - Aria New Testament

¹ Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Jon 7:1 ပူးပေါင်းရင်းမြစ်များ

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Matyu 21:38

E alo ka osep ka tidong tiboko ke yage tivati gute otno arang me tiwai pulu langane. ‘Gute ane yage ina gute otno arang. Ma itemter iye ma iye mete deka itodue ila wan matamuli.’

Mak 11:18

Osep loulou ina ka omba e osep ka tile itau ke Moses ila sogongon tiklingen Yesus ila pelengon deka tikrim ke ekreng ma tididie ma tipaiavu iye ine. Tidue elio langane e tiulou tarna lisak ke iye kesua osep pula aitno lisak mter pula ke ila parerengen.

Jon 1:19

E osep Yuda ina ka tidong ke Jerusalem tipagei osep loulou ina leklou e osep Livai ina leklou isak kla ke Jon ma tiwai ke iye ma tile iye gute ka lange. E Jon ila pelengon ane.

Jon 4:3

Deka iye songon omur Judia e la ke omur Galili.

Jon 4:54

Elio ane elio arit ina ka nisngen ka orwo ina ka Yesus due alo ka iye songon omur Judia e la ke omur Galili.

Jon 6:1

Mase Yesus la bru elim Galili ke burla. E elim Galili angaine silang elim Taiberias.

Jon 7:11

E ke rogo omba osep kaunsil ina tikrim ke iye e tiwai pulu langane. “Gute are dong ge?”

Jon 7:13

E dau gute kene wai malak ke Yesus kovok kesua tilim ke osep kaunsil ina.

Jon 7:19

“Oglou Moses kar ila sogongon ke umu e dau gute kene ke umu didi sogongon tonari kovok. Ina lange umawaiki umodue burwa ke ngong?”

Jon 7:25

Deka ari osep Jerusalem ina leklou tiwai langane. “Gute ane gute ka osep tiwaiki tidue burwa ke iye i?

Jon 7:35

Deka osep kaunsil ina tiwai pulu langane. “Gute ane waiki la ke omur ge ma itakaranga itapado iye kovok? Ma iye la ke udo osua ka tidong ke omur Grik e parere osep Grik ina?

Jon 8:37

Ngaile umu Abraham ila napakngan. Lama langane dau umawaiki umodue burwa ke ngong kesua umawaiki umedidi lou pelengon kovok.

Jon 8:40

E oku ane ngawai pelengon lokono ke umu ka ngaklingen ke Ida Tapolngon e umawaiki umodue burwa ke ngong. E Abraham ila elio langane kovok.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.