Jon 6:71 - Aria New Testament

⁷¹ Yesus wai langane ke gute Judas ka Saimon Iskariot otno arang. Iye gute kene ke disaipel songotno orwo e dau mase iye lai Yesus ina.

Jon 6:71 ပူးပေါင်းရင်းမြစ်များ

Matyu 10:2

Ila aposel songotno orwo angainsak langane. Aposel kene ina angaine Saimon ka angaine silang Pita. E ina tovro Andru iye aposel blang. E Jems e Jon ka isak gute Sebedi titno arang.

Matyu 10:4

E Saimon silang ka iye gute ka tisir iye gute Selot ina. Osep Selot ina isak osep ka tiwaiki kantri silang plau isak kovok. E Judas Iskariot ka iye gute ka mase lai Yesus ina.

Mak 14:10

Ari Yesus ila disaipel kene ke ila disaipel songotno orwo ka angaine Judas Iskariot la polou ke osep loulou ina ka omba e wai ke isak ma iye lai Yesus ina.

Jon 12:4

E ila disaipel kene ka angaine Judas Iskariot ka mase ma iye lai Yesus ina wai langane.

Jon 13:2

Ke epmes Yesus kap ila disaipel tingen inarak ngangon e ari Satan due Judas ka Saimon otno arang aitno kodong ma iye lai Yesus ina.

Jon 13:26

E Yesus koli wai langane. “Ma ngadue bret emkil ane sep ke dis deka ngakare ke gute kene. E gute ka ngakare ke iye io iye gute ka ngawai ine.” Deka iye due bret sep ke dis e kare ke Judas ka Saimon Iskariot otno arang.

Jon 2:2

E osep tiwai ke Yesus kap ila disaipel ma time ke gingen blang.

Jon 20:24

E alo ari alo ka Yesus polou ke ila disaipel Tomas ka angaine silang Didimus ka iye gute kene ke Yesus ila disaipel songotno orwo dong kap isak kovok.

Jon 6:64

E dau umu leklou aitno lumu dagar ke ngong kovok.” Yesus wai langane kesua ke oglou lila me iye ile osep seisei ka aitno lisak dagar ke iye kovok e iye ile gute sei ka ma lai iye ina.

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.