Jon 6:70 - Aria New Testament

⁷⁰ Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Jon 6:70 ပူးပေါင်းရင်းမြစ်များ

Jon 13:18

“Ngawai ke umu keniye kovok kesua ngaile umu ka ngarere umu kodong. E elio ane polou ma Ida Tapolngon ila pelengon palma polou lokono. Pelengon tonari langane. ‘Gute ka ngen ngangon kap ngong pul dogur ke ngong e aitno soulu ke ngong.’

Jon 13:2

Ke epmes Yesus kap ila disaipel tingen inarak ngangon e ari Satan due Judas ka Saimon otno arang aitno kodong ma iye lai Yesus ina.

Jon 13:21

Yesus wai langane yagos deka aitno kro lokono e iye wai malak ke isak langane. “Ngawai lokono ke umu. Gute kene ke umu ma lai ngong ngau.”

Jon 13:27

Judas due bret kodong deka Satan sep ke aitno. E Yesus wai ke Judas langane. “Omsuong omdue elio ka amwaiki omdue.”

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 15:19

Langka umu osep taklak ina ma isak lana isak ke umu langka isak lana isak ke isak sisrok. E umodong langka osep taklak ina kovok e ngarere umu ma umosongon isak deka ke batne langane aitno lisak engil e amnga ke umu.

Jon 17:12

Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono.

Jon 2:2

E osep tiwai ke Yesus kap ila disaipel ma time ke gingen blang.

Jon 20:24

E alo ari alo ka Yesus polou ke ila disaipel Tomas ka angaine silang Didimus ka iye gute kene ke Yesus ila disaipel songotno orwo dong kap isak kovok.

Jon 6:64

E dau umu leklou aitno lumu dagar ke ngong kovok.” Yesus wai langane kesua ke oglou lila me iye ile osep seisei ka aitno lisak dagar ke iye kovok e iye ile gute sei ka ma lai iye ina.

Jon 6:67

Deka Yesus pmi ila disaipel songotno orwo langane. “Umu blang umawaiki umosongon ngong?”

Jon 6:71

Yesus wai langane ke gute Judas ka Saimon Iskariot otno arang. Iye gute kene ke disaipel songotno orwo e dau mase iye lai Yesus ina.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Aposel 1:17

Oglou Yesus ila disaipel ite e Judas. E Judas lila boko kap ite.

Aposel 13:10

“Wom Satan otno arang wom. Elio itau ina oul wom. Lem elio keniye yakngan. Eknikane oklou aling aling amwaiki Ida Puda ila elio osuk polou kolok.

1 Timoti 3:11

Gute tonari esna blang ma aitno mter ke elio itau ma iye due. E iye due adis e kopuk gute silang dogurne kovok. Iye inim aki dagar ma bitna balilu kovok e boko itau ke wan keniye ka iye due.

Taitus 2:3

E amparere apmang ka namormor blang ma tidue elio ka Ida Tapolngon aitno itau ine vala. Ma tidue adis ke osep leklou kovok. Aling aling tinim aki dagar ma amtarsak balilu kovok. E tiparere apmang pasinga oku ina ke elio itau vala.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.