Jon 6:66 - Aria New Testament

⁶⁶ E ke oklou are lila la ila disaipel pula tisongon Yesus e tididi iye blang kovok.

Jon 6:66 ပူးပေါင်းရင်းမြစ်များ

Matyu 19:22

E alo ka gute auram klingen Yesus ila pelengon iye la e aitno soulu ine kesua ila brokngon pula lokono.

Luk 9:62

Deka Yesus koli wai ke iye langane. “Gute ka due yage e kul taklak ke namngan e dau bitna la ke dogurne iye karanga due ila bokongon itau kovok. Eriar langane ke Ida Tapolngon ila bokongon. Gute ka waiki due Ida Tapolngon ila bokongon e dau aitno mter ke wan silang iye karanga due bokongon itau ke omur ka Ida Tapolngon plaue kovok.”

Jon 2:2

E osep tiwai ke Yesus kap ila disaipel ma time ke gingen blang.

Jon 6:60

Alo ka ila disaipel ti-klingen pelengon tonari isak pula tiwai langane. “Pelengon ane opru imi va. Gute sei karanga didie?”

Jon 6:64

E dau umu leklou aitno lumu dagar ke ngong kovok.” Yesus wai langane kesua ke oglou lila me iye ile osep seisei ka aitno lisak dagar ke iye kovok e iye ile gute sei ka ma lai iye ina.

Jon 7:3

Deka Yesus ina saiver tiwai ke iye langane. “Omsongon omur ane e amla ke omur Judia ma osep ka tididi wom ke omur are tikaranga tivati elio ka omdue.

Jon 8:31

E Yesus wai ke osep Yuda ina ka aitno lisak dagar ke iye langane. “Langka umedidi lou parerengen umodong lou disaipel lokono.

2 Timoti 1:15

Emile omur osep ka pula keniye ka tidong ke provins Esia tisongon ngong kodong. E gute Figelus e gute Hermogenes tisongon ngong blang.

2 Timoti 4:10

Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.

Hibru 10:38

E lou osep ka tididi aitno lungong ma aitno lisak ila dagar due isak tidong itau. E langka tipul dogur ke ngong deka aitno lungong itau ke isak kovok.”

1 Jon 2:19

Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.